27 Sep 2008
天朗: 今日,我地下午先到柴灣出席婚禮! 爸爸媽媽都有份唱詩班呀...而我就o係台下面同陳弟弟玩....
今日的婚禮..好感動呀..因為新娘子步入禮堂時, 新朗唱歌呀...場面好溫馨呢!!
觀禮完畢,我地就過左尖沙咀,因為距離開席仲有時間呢...所以我地去左一間樓上cafe 食下野,坐下...天朗都開下餐,一路坐鞦韆,一路嘆番枝奶先! 
天朗: 媽媽話我第一次去飲,仲係去山卡李la酒店喎...所以俾套老西我著,型唔型仔先?
天朗: 個個都話我好靚仔...爭住同我影相呀!! 
天朗: 今日係我地5個bb第一次聚首一堂呢....我係大哥哥呀..哈哈.. 呢期我地旺仔呀..4男1女!
天朗: 玩左成日...我都好攰呀...等我覺覺一陣先...咁樣爸爸媽媽可以舒舒服服咁食下野啦...我係咪好乖呢? 
天朗: 我同爸爸媽媽祝一對新人,永遠幸福,恩典常在,快d生個弟弟/妹妹同我玩...yeah! 
天朗,
今日係你10個月大的日子呀...雖然媽媽唔o係你身邊,仍然身在世界的另一角落!!但係媽媽聽日會番黎架啦...可以陪你度過你人生的第一個中秋節,哈哈...雖然你都唔知咩事...又唔識玩燈籠....但係媽媽總是希望可以一家人一齊度過呢!!!
媽媽好掛住你呀.....10個月人仔的你...爬得好快,可以扶住野自己起身/坐低,有6隻牙仔...出緊上面大牙仔...成日冇時停,非常活躍,有人拖住手仔o係地下行會好開心!!
睇住你一日比一日叻叻,一日比一日長大....真係覺得時間過得好快呢....你要繼續健健康康長大呀...你永遠都係媽媽心中最可愛的心肝寶貝!!!
感謝主,天朗食左3日藥已經好番啦!!! 呢幾日,每到食藥的時候,真係好陰公呢,天朗不停地喊,掙扎,唔肯張開口或是吐番出黎! 真係令媽媽好心痛好心痛呢!! o個日睇醫生時,醫生講過出風"難"可以是很嚴重的,因為除了會出在身體表面,都有機會出現在身體內,嚴重的,可以令到有呼吸困難出現,所以,一定要食藥,佢話佢見過的小朋友通常3日好番,但都有試過成10日先好番!! 好感恩,天朗食左3日藥,已經好番啦!!! 因為o個日天朗去睇醫生時,佢話天朗出風"難"的情況都算嚴重!!! 感謝主讓天朗已經冇事,唔使再受食藥的痛苦!!!
睇住天朗的身體情況一日比一日好,紅腫一天比一天退,心先可以定下來!! 呢兩日,天朗已經回復靚仔,生猛,好動了!! 所以媽媽呢幾日的day off 都好累呢....先是要照顧病病的天朗,繼而要看"牛牛"般的天朗....不過,點都唔緊要...最緊要係天朗身體健康,平安無事!!!
bebe豬,你要開開心心,健健康康,唔好再嚇親媽媽呀,知道嘛?!
