追BLOG?!

哎呀....又有好耐冇寫BLOG了....因為前陣子...媽媽返工返得比較密,飛左,O係OUTPORT時又冇時間,去寫BLOG,執相....加上FACEBOOK真係比呢度方便呢...加上YAHOO BLOG又愈來愈麻煩,又成日UP唔到相,又或者食左人地D相,又有勁多垃圾留言,不過我變左PRIVATE BLOG已好好多了...所以,攪到我都冇咩心機寫...竹(連爸爸都已經頂唔住,將個BLOG搬家了.(http://carbonlo.wordpress.com)...再加上,有時又要去圍脖,關注一下我的孫先生和朋友仔....

天呀....我諗我的時間真係好唔夠用呢....最重要係,放假在家時,多數要湊仔,一o係香港,就會好想時時刻刻陪住佢地兩個...所以...你話呢...真係唔知做得邊樣呢!!!!

不過...我諗我會盡力追番一D好值得寫的....好似下一篇要出的BLOG咁...

0711朋仔友@大草地

2 May 2010

今日,約左0711朋友仔去迪迪尼HOLLYWOOD 酒店後面的大草地玩.....

不過,因為我地朝早要返教會...所以好遲先JOIN佢地.....
去到玩左一陣就走啦...


結果天朗喊晒咁....話要玩.....唔肯走!!

細佬第一次接觸~~草地.....唔多NIKE....哈哈....

點解咁快要走...因為我地BOOK左食TEA BUFFET嘛....

一去到,天朗就喊晒咁話要走...唔肯坐低,跟住媽媽唯有帶佢出去MALL行下...
舒緩一下佢的情緒,再同佢去左間書店,買左本書...佢心情先好D,同我入番去食野!!

今日好齊人呀....有8個小朋友,16個大人,加一個肥朗BB....
最勁係酒店幫我地預備左9張HIGH CHAIR俾咁多位小老闆坐呢!!!

大合照,來啦!!!YEAH!!!

食飽飽....大家都散啦...因為有D朋友仔要返學啦...
加上大家的爸爸媽媽都要返工..所以冇玩太夜啦!!!

回程@BUS....
細佬好攪笑....自己捉實.....

1.5.2010~ERIC新碟分享會+亞洲星光大道2

1.5.2010~ERIC新碟分享會+亞洲星光大道2

孫粉媽媽連續第二日出動....本來今日諗住自己去架咋....

點知出門口的時候,天朗扭計...於是帶埋佢出去.,...

第一站~~新碟分享會@旺角基道書樓

ERIC 分享聖經怎樣成就佢這張專輯...過程中神點樣帶領佢度過之前,聲帶出血,
唱唔到歌的日子.....因為呢場病,讓佢有時間去造出呢張全創作大碟!!!!
本來醫生話佢可能一至兩年唔可以唱歌,又因為神的恩典,令佢o係短短半年好番!!
感謝主!!!

去完第一站,帶番天朗返大埔,叫爸爸黎接佢番屋企,
我就會合朋友仔,一齊向atv進發...
今次係ERIC第一次上亞視呢.....呢集亞洲星光大道2會o係星期日(9/5)播出啦!!!

30.4.2010~ERIC校園巡迴簽唱會@香港教育學院

30.4.2010~ERIC校園巡迴簽唱會@香港教育學院


來到校園巡迴演唱第二站...香港教育學院了...
本來,擔心今日會落雨...結果....陽光普照....真係好啦!!!

今日Eric 唱左"圍城故鄉", "不可含怒到日落" (唔計新碟音樂會,Eric話今次係第一次live唱呢隻歌)同埋 "如果生命還有歌"!!


Eric + MC~新城DJ Maggie

真係好猛太陽呢...雖然好曬...不過ERIC依然好落力唱...

唱完歌...開始簽名了...

ERIC 見到細佬好開心...係咁話佢好得意!! 嘻嘻!!

18 Apr 10~與阿妹約會

18 Apr 2010
今日,天朗同阿妹一齊去左帝寶城玩...

不過,佢地大部份時間,都係各有各玩...仲未好識一齊玩...哈哈...

之後,仲一齊去左加太賀食晚飯!!