離開威記,便順道去左探阿勇,剛巧熙熙今日唔使番學,所以上到去就同佢玩啦! 上左去一陣,本來訓緊覺覺豬的細佬都醒左,開頭有d吽下吽下,但玩左一陣,佢就變得好活潑了!!
雖然只係冇見佢地兩個幾月,但係小孩子真係大得好快架!! 而且,細佬仲好叻,識講好多野添呀!! 雖然有d bb 話我仲未聽得明佢講咩,但都有d好清楚聽到架,e.g. "爸爸" "媽媽" " 巴士" "oh...噢" "啊..趺左" !!佢真係好叻呀,我成日都話唔知而家d bb 食咩奶粉大? 定係我地細個時候太...緩慢呢!!
而姐姐呢,以前同佢玩,同佢friend,都要warm up 一輪先得架...今次唔知係咪因為o係佢地頭呢,佢好多野講呀,仲同我玩得好friend呀, 仲送左條珠仔頸鍊俾我添呀,係佢自己穿架!!
結果同佢地玩左一陣,食完lunch,去公園玩左陣,再番佢地屋企玩左陣,到5點幾先走呀!! 好開心呀!!
好似都冇試過好似今朝咁早起身了! 因為今朝一早出左威記睇醫生, 其實今日都唔算係做檢查,因為只係姑娘同我照超聲波! 我唔明點解要約人地咁早law, 結果去到咪等餐懵! 今日去照,姑娘話bb已經有11周了(大左1個星期?)明明兩星期前o係私家醫生度照係8周架嘛! 不過姑娘話有呢個range的difference都係正常既!!
今日,個姑娘同我照左好耐,仲教我從唔同角度睇bb的手仔,腳仔同心跳添!! 好得意呀!!! 已經好清楚咁見到佢的手腳啦,而且仲見到佢不停旭下旭下咁,好似訓o係度打緊boxing,手腳齊舞呀!!! 一諗到肚裡面有個咁活潑好動的bb,o個種感覺真係難以形容呀,超感動,好想喊呀!!
照完超聲波,就去左抽血,o個個抽血的大姐望住我的手,就大叫:嘩! 你d血管咁幼,好難抽喎! 結果放棄左手,由右手抽, 做完一輪手部收放運動,佢就從我手上抽走左4小樽血了....嗚嗚....俾佢拮個下都幾痛呢!!
上年,我報左名參加"愛是永遠堅持"的詩班員,可惜結果因為工作關係(由於調唔到幾個星期日day off出席練習時間)所以唔能夠做詩班員,只可以去左一晚做觀眾!
今年,我一早在工作上作好安排,以至可以出席練習+總綵排,但係,前陣子,發覺自己有左bb,而且仲有d唔舒服,醫生叫我要多休息,我都曾經掙扎過,不過最後我都係冇放棄做詩班員呀,因為我好享受同咁多弟兄姊妹一齊去敬拜,唱詩讚美神呀!
尋晚,幾場的音樂會終於都完左啦! 我真係完全冇後悔呀!! 因為o係呢幾場聚會當中,我真係好經歷到唱詩讚美神,o個份的喜悅同平安呀!! 雖然我地大部份時間都係企o係度唱,真係會幾攰,但我都支持得住呀!! 我係一個好容易被詩歌所感動的人,o係呢幾日都唔例外,好幾次我都差d忍唔住呀!
呢首就係呢次聚會的主題詩歌:
天國在人間
亦係其中一首我地唱4部的詩歌!!
經過呢次的敬拜讚美會,我更加領受到,我要在敬拜的事奉上,繼續努力做得更好!! 神呀,求你加我力量呀!!
18.4.2007
今日下午,收到阿媽氣沖沖的打電話來,說阿爸在茶餐廳遺留左個手提電話,咁我叫佢打去電話公司cut左個電話先啦,佢又話:我而家唔得閒呀,你同我打啦!! 於是,收左佢線之後,我就立即打去cut啦, 正當我同個接線生講緊之際,阿媽又打來,心諗唔通佢搵番? 於是我叫個接線生等等,就接佢電話!果然,佢仍然係氣沖沖咁話我知,佢搵番啦!! 太好了(如果唔係我咪又要買過個電話俾我阿爸,因為佢而家用o個個都唔係買左好耐架咋!) 跟住我咪同個接線生講:佢搵番啦!
到夜晚同佢地兩個食飯時,我爸講番佢點搵番個電話,真的好攪笑! 話說,佢食完野,離開茶餐廳時,發覺唔見左個電話,就打俾阿媽問佢有冇見過? 我媽話你個電話你自己拎住既!!於是佢諗起個電話放左o係枱面,唔記得拎,於是立即走番轉頭! 番到去,見到個枱面已經清理得好乾淨!!於是問o個d執枱的阿姐,有冇見過佢個電話,個阿姐就話:冇喎!! 跟住,我阿爸就打番自己個電話,見到個阿姐的衫袋有d野閃下閃下,就話:咦,你好似袋住個電話喎!! 跟住個老闆就話你係咪攞左呀,俾番人啦!! 結果好彩地,因為呢個聰明的伙計,佢冇第一時間熄左個電話, 所以我阿爸先可以搵番個電話!!
13.4.2007
期待已久,我的黎明終於開concert了,仲要今次只係開一場,點可以唔睇呀?!?!
雖然今次冇咩舞台效果,冇咩勁歌熱舞,個台都唔算大.不過只要見到Leon,就算佢只係企o係度唱歌,都已經夠了!!
簡單的一套西裝,已經好型啦!!
佢今次除左唱自己的歌,仲唱左其他3大天王的歌,可惜佢只係唱左2個鐘度,18首歌,冇encore:
願妳今夜別離去
情已逝
對妳愛不完
忘情水
分手總要在雨天
愛不完
藍雨
我是不是該安靜的走開
我為何讓妳走 (興Janice合唱)
大綱與細節
每天愛妳多一些
長夜多浪漫
愛的呼喚
情感的禁區
那有一天不想妳
對不起我愛妳
大肚婆,記性唔好,仲有2首,唔記得!
放完悠長的假期,同老公一樣,o係4月10日大清早便要爬起床去番工! 點知番左2日,我的身體已經支持唔住了.
4月12日,朝早起身諗住番工,點知唔想佢發生的事又來了~見紅,跟住同老公講,不如我今日唔好番工啦! 然後,等到診所開門,就即刻打電話去make appointment,然後11點便出到旺角睇醫生,我一臉愁容咁同醫生講,我好擔心bb,其實我咁的情況真係冇咩得解釋,我只好覺得可能係唔習慣,咁早起身番工,番足成日,操勞過度卦?!
幸好,照超聲波,見到bb又長大了一個星期,而且,已經開始成型了,從放大左的超聱波畫面,已經見到bb圓碌碌的頭仔啦!! 真係好得意呀,而家o係我肚入面的係一個有圓碌碌頭仔,腰果般大的bb呀!!!
(起初照超聲波時,真係俾個醫生嚇一嚇呀,唔知係咪我唔夠急,照的時候睇得唔係好清楚,佢竟然同我講話:咦!點解會有兩個心跳,但係見到一個bb之喎! 我就問佢咁會唔會係有孖胎呢?因為我爸爸係龍鳳胎之一(其實我真係想生龍鳳胎架,1仔1女,痛1次攪掂!)應該得一個bb,我怕佢係連住o個d,所以有兩個心跳! 佢話叫我去清廁所,再同我照清楚d, 然後我去完廁所,再入番去,今次係第一次放個超聲波儀器從下面照入去,幸好,原來只係虛驚一場,今次睇得好清楚,係一個bb,一個心跳! 真係俾佢嚇一嚇呀!!! 最緊要的係bb情況良好,不過佢話可能我個胎仲係唔係好穩定,所以有見紅的情況. 佢都係建議我要多休息!! 所以我都係暫時唔可以番工了!!
但願bb可以快d穩定下來,在我肚子裡,平平安安,健健康康咁成長呀!!
你記得為我地代禱呀!! 幫bb同ManFish MaMa 打氣呀!!
呢兩個可愛的小朋友...轉下眼已經從在我手抱的bb....漸漸長大了....家姐已經讀中學了...
呢個就係善怡的新look~ 傻婆齊陰look...哈哈...
每逢佢地放假,都總會帶佢地去玩,或者黎我屋企過夜!!
呢個就係我o係新居為佢地兩個而設的床位啦....嘻嘻!!
每次見到佢地兩個,佢地都總係爭住講...
(善怡)敏如姨姨: ...我尋日點..點...點...
(昊知)敏如姨姨: ...你估下..點....點...點...
有時,佢地兩個一齊係咁講,真係會好嘈,令人覺得好煩...不過間唔時見下佢地,又真係幾開心架...
o個日,佢地o係我地屋企...我地4個人一齊玩wii...玩到傻左.....真係好開心架!!
呢件咁可愛的bb衫..就係佢地之前同阿媽去韓國旅行,買給我的手信啦,哈哈!!
佢地兩個可愛的小時候 http://www.manfish.org/2b.htm
因為怕bb的情況還是不太穩定,所以今日又去左睇醫生.
經過上次忍尿忍到爆的經驗,(因為上次飲定好多水去,但去到之後又等左好耐先到我睇,又唔可以去廁所!)今日,我諗住去到睇下情況先再飲水,點知,去到竟然唔使點等就有得睇,結果入到去睇,咩都照唔到,因為俾d腸遮住晒,醫生話:你唔夠急,要飲多d水先! 結果我出番去等,狂灌左litre幾兩litre水,飲到我想嘔!!!
實在太好了,bb已經7週了,今日照的時候,我仲好擔心佢唔知會唔會有問題,唔知會唔會唔曉大呢?點知....醫生竟然話睇到bb有心跳了!! 我開頭都唔係睇得好清楚,但經過醫生指示,我真係見到呢!!o係個screen度清楚見到BB係動下動下咁,我o個一刻,感到好興奮.好奇妙呢!!!
睇完醫生,第一時間打俾老公,話佢知見到bb心跳,點知佢第一個反應係: 咦,好驚呀! 好難想像粒米會有心跳呢!! 估唔到bb今日送左份咁"驚"喜的生日禮物俾爸爸呢!!
bb:爸爸,你唔可以咁快就驚架喎!! 我帶來的驚喜,陸續有來喎!! 今日送住呢個俾你做生日禮物先啦!!
