今日,終於都去左剪頭髮了...其實,已經想剪好耐架啦...因為前面d "蔭"好長呢...結果今日就去剪左呢個..有點冬菇的頭呢...嘻嘻!!
因為,遲D坐月唔知會唔會有人唔俾我洗頭,所以都係剪定短D先好...
嘻嘻...鄭太..見你日日俾d咁開心的bb相我睇,
就滿足下你對我個肚的好奇...送多張側身相俾你啦!!
2007年10月31日 星期三
出血日
尋日,下午出左去做facial,應該係生bb前最後的一次了...
之後,去左西田行街街....點知...個銀包...就出事啦...
其實,之前都睇過其他媽媽話呢個牌子的product好用,不過由於我覺得佢都幾貴的關係,所以都冇買到...但今日再行過個counter,都係忍唔住..因為諗住遲d bb出世之後,天氣應該都係乾燥同涼,所以都係想買d好少少的野俾bb用...其實,呢個可能係自己買野的藉口呢
希望bb會鍾意用啦...不過,其實有d係for 我自己用架呢...嘻嘻!!
之後,仲去左補充我的skin care...過去呢幾個月,諗住唔會點用,所以都冇買過護膚品,結果,尋日一次過買番哂....哈哈...因為遲d都冇時間/唔出得街...所以都係時候買定了...大概...又係一個自己俾自己瘋狂買野的藉口呢...
2007年10月29日 星期一
37週6日私家檢查
bb,
媽媽今日又帶左個新朋友黎"睇"你啦....就係媽媽的姨媽,即係你的姨婆呀...hello...(佢期盼著你今日出世呀,因為今日係佢的舊曆生日呀,所以想你同佢同一日生日啦,嘻嘻!! 媽媽我都唔介意呀,不過似乎呢個可能性不大了...
由於你尋晚非常的活躍,所以媽媽都無覺好訓,其實係唔敢訓呀...因為你好勤力咁練習,令到媽媽的肚仔實bom bom...感覺唔係幾舒服呢! 幸好,今日話俾醫生聽,佢話你這樣的練習,係一件非常好的事呢,因為到媽媽真的要生你的時候,會比較容易呀!!
醫生話你已經有進入了媽媽的盤骨有一半了,不過仲未算好低,所以應該未有咁快出世啦,雖然媽媽有點心急啦,不過,醫生話可能bb你仲未想出來呢!! 
雖然,今日都已經睇唔到好清楚你的各個器官了,不過,只要媽媽知道你一切安好,正常,便已足夠了!!!
唔知幾時會..唔需要靠超聲波...真正感受到你的心跳呢?
from 心急的媽媽
2007年10月27日 星期六
訂閱：
文章 (Atom)