做左兩個星期的母乳媽,真係好辛苦呢,長期唔夠訓,因為bb食得好頻密,所以佢醒,要食奶,我就要出動了!! 能夠同bb有這樣親密的接觸,是一件好幸福的事,因為我知道有d媽媽想餵母乳,都未必有得餵到! 所以,我好珍惜可以做我bb母乳媽的時間!而且,我知道母乳係對bb最好的,所以我真係好想盡量o係呢段放產假的時間餵母乳!!
之前,都聽人講過餵母乳係會好辛苦,而家真係終於都體會到啦!
除左,自己唔可以有足夠時間休息,加上每次要同bb"玩"成個鐘再加掃風...之外,原來仲有好多其他壓力架! 聽得最多的,應該係:
~bb夠唔夠飽架? (我係佢媽媽,唔通我會唔想佢食飽飽咩?)
~咁快又要食,係咪頭先食唔飽呀? (佢食得密,係我辛苦姐,但係我又唔會唔餵佢o既?!佢幾時想食,我咪幾時俾佢食law!)
~如果食奶粉,我地可以幫下手餵嘛!
加上,有時如果有d親戚朋友上黎睇bb,咁o岩我要餵奶,我都冇辦法架,我真係只可以關上房門,"喱"埋餵架咋喎,抱歉唔能夠俾大家見到bb食奶的模樣啦!
要餵bb,飲食要好小心,因為基本上我食咩,佢食咩,所以我都唔夠謄亂食野 (不過,其實而家坐緊月,基本上我o係飲食方面,係冇選擇啦! 除左有d野,我係要堅持,我唔可以飲雞酒,
我知道大家都係想我補好個身體,但係為左bb著想,我真係唔願意take 呢個risk,可惜,講左都係冇用,佢地話飲少少唔怕喎! 好彩,另一樣野-薑醋,我可以成功逃脫,其實我諗呢樣野對bb影響唔會太大的(主要係因為我自己唔鍾意食薑醋! 
早幾日,唔知做咩,有一晚食完飯,餵完bb,發覺自己雙手起晒粒粒,但唔算嚴重! 但係到左前日,食完早餐,呢個情況再次發生,而且仲漫延至其他部位,好癢,好唔舒服! 結果,都係忍唔住去左睇醫生,醫生開頭懷疑我出德國麻疹,但冇理由,因為我應該已經打左預防針,加上我冇發燒! 之後,佢就話我係皮膚敏感,要食藥同搽藥膏,我問佢我要食藥,咁係咪唔可以餵母乳,佢話d藥ok,反而係驚我敏感,如果繼續俾d奶bb飲,可能會令佢都敏感,所以,由前晚開始,bb都要飲奶粉! 直到尋晚,我見我已經好番好多,就同老公決定今朝開始,餵番母乳俾bb,因為我怕隔得耐,佢會食慣奶粉,唔肯食母乳! 好彩,過左一日,bb都冇忘記我係佢母乳媽!!
其實,尋日真係覺得過得有d輕鬆,因為唔使餵母乳,除左係自己谷奶辛苦d,其餘時間都好自在,因為餵奶粉,唔使我餵,又唔使我掃風! 所以,我終於明白埋身餵同泵出黎餵的分別了,因為泵出o黎可以假手於人,自己可以輕鬆d,休息下! (之前,有個朋友同我講,佢冇休息唔夠,bb訓覺時,佢仲有時間做下自己野,因為我係泵出黎餵+補奶粉!) 尋日,我體會到餵母乳同餵奶粉的分別了! 雖然,真係曾經有諗過放棄,尤其是半夜三更,要爬起身去餵奶,又冇人可以幫到你的時候,真係覺得好辛苦呢!! 但係,見好多人講過,埋身餵bb係最好的! 咁我都覺得埋身餵係最方便的,唔使泵,又唔使洗奶樽,慳番好多功夫呢! 
好鍾意呢張我同bb的自拍照...
哈哈!!)
)
..你都係未肯出黎呀...(可能你覺得媽媽很煩呢!!
)
