ManFish MaMa: 6月 2008

2008年6月14日星期六

你們。終於來了

吽左好耐.....天朗人生的頭兩隻牙仔終於都o係上星期出左啦!!

有點殘忍呢...要趁佢訓著覺覺豬時,打開佢個咀仔...先影到呢....

因為...之前天朗爸爸都嘗試過影架....

但係天朗實在太活躍啦....根本冇可能影到....哈哈!!

2008年6月13日星期五

June 2008 ~New York

New York...可能同Bombay(印度孟買)一樣,大概一年一次夠了, 因為flying time 實在太長啦....超辛苦呢!! 成16個鐘困O係架飛機入面,都真係幾係o野呢!!

可幸的是,今次去到New York,可以同Soman一齊出街,一齊去睇Broadway Show...仲有佢的朋友車我地周圍去...so good!!!

I Love NY, mickey version!!

唔知做咩...成條街..停滿晒警車...

迷霧中的 Brooklyn Bridge! 估唔到部機可以zoom到咁遠!! 勁!!!

瓦片 in the Museum of Closters..

I love this picture...

Carpet in the Catheral Church of St. John the Divine ....

Single seat NYPD car.....so cute!!

The Phantom of the Opera....very good show!!

Times Sq. Day.....

....& Night.....

more photos,pls see: Flowers >>>http://www.facebook.com/album.php?aid=43289&l=260b3&id=749077847

Museum tour>>>http://www.facebook.com/album.php?aid=43292&l=9ae5c&id=749077847

Friends & shopping tour >>> http://www.facebook.com/album.php?aid=43294&l=55721&id=749077847

12 June 08~7個月啦

12 June 2008 ~7 個月啦!!

傻豬,

今日係你7個月大了,雖然媽媽今日見到你的時間唔多,

但係可以見到你坐鞦韆...

....食餅餅...抱住你痾ng ng...

...同你影左幾張相....

...見到你的笑容...

....然後抱住你訓著覺覺豬!

媽媽都好滿足了....但願你每天繼續健康長大!!!

希望媽媽快快病好...可以錫錫錫錫錫錫錫你!!

最近真的很懶惰,很累呢...在香港的時間,全都給了bebe 豬...好多時候,我一番到香港,就會全時候同bebe豬一齊,好想同佢一齊過每分每秒!(可能咁樣講,有點誇張,但係事實卻是如此,我經常同老公講:我好耐冇同你拍拖了,我而家好似同阿仔拍拖咁! 每次佢聽到我咁講,就話我成日都咁講,又問我點先算係拍拖.....well...哥哥仔,同你拍左咁多年拖,你仲問我咩係拍拖...oh my god!! )

正因為咁,我的時間俾晒阿仔....連寫blog都冇時間,冇心機了...可能係我自己令到自己太累啦...但係,當我自己湊住阿仔時,我真係好想親力親為,唔喜歡假手於他人...所以,可能咁樣會令自己有點累,但係我真係好想珍惜在香港同bebe豬相處的日子!! 上個星期,就o係我去new york 前一日,下午將阿仔送番阿媽度,然後夜晚同老公出左沙田買奶樽!(結果,當然係大出血啦,因為一田大減價,d人多到好似唔使$咁!) 行行下,收到我媽的來電,佢講左句令我覺得好hurt的說話: 你點湊仔架..你個仔兩隻牙仔出左啦! 咁都唔知! o個一刻,我覺得好唔開心,我知佢唔係打來話我,佢純粹想話俾我知,阿仔o個兩隻牙仔終於出左黎,睇得到啦! 但係,我內心真係唔係幾好受,作為阿仔的媽媽,我都好想1年365日,24小時陪住佢,睇住佢的成長,同佢經歷所有的第一次!!

認識我的人都知道,我係一個重視家庭,並唔係想為事業拼博的人, 但係為左屋企,為左想俾bebe豬好的o野,我仍然都係要工作,我知道我唔可能將所有責任放o係老公身上,因為咁樣會令到佢好吃力,因為要養妻活兒真是談何容易呢??!! 唔知女人係咪天生愛嫉妒的動物,每次見到印姐姐抱住阿仔,我就會好唔開心,好唔想見到...或者係我怕有一日,阿仔愛姐姐,不愛媽媽,雖然我應該對阿仔有信心....因為我與他的bonding應該是冇人能及的.....自我安慰中...

很想努力寫blog,記下阿仔每天發生的事情,發覺追blog,真的有點難度呢!!很羨慕全職媽媽,可以每時每刻伴著自己的兒女,與他們一起經歷,成長...而我,...只好靠老公/妹妹拍下的照片,短片....這幾天,心情很差...可能是因為身體唔舒服的關係吧!整個人也悶悶不樂,又唔敢睇阿仔,深怕自己會傳染他,因為而家d 細菌實在太勁....但係,今日係阿仔7個月大...所以都係忍唔住...番左阿媽度睇下佢!!

希望,可以快d病啦...因為已經請左兩日病假了....唔想再請...要快d好,如果唔係,就唔可以湊bebe 豬番屋企架啦!!