2009年8月29日星期六

細佬的近照

由於媽媽仍然疲於奔命,做細佬的奶媽,加上又要間唔中陪下天朗...所以實在冇咩時間休息...都幾攰呢..未有時間寫blog呢!!
所以....大家睇住相先啦!!

2009年8月22日星期六

才子佳人會小朗

16 Aug 2009
才子佳人會小朗 (好鍾意爸爸起的這個標題,所以搬左過黎!)

今日,0711三大才子+兩大美人,不嫌山長水遠,o黎探我地呀!! 真係好多謝你地呀!! 因為媽媽大肚,所以好耐冇帶天朗出去同大家玩呀...所以,難得4大才子今日齊腳呀...仲有兩位美人相伴添呀...哈哈!!

因為天朗日日o係屋企陪媽媽+細佬坐月,所以,好耐都冇出街玩啦...今日有咁多人黎陪佢一齊玩,攪到佢不知幾興奮呀!!

詳細情形,大家睇以下的blog啦...因為媽媽冇時間寫啦!!

才子佳人會小朗

探訪bb ~ 日朗

相約看日朗BB

與日朗BB會面

探訪日朗BB

再一次多謝你地呀!!!!

下次見面,應該係探阿紫妹妹啦!!! yeah!!!

2009年8月20日星期四

上回講到細佬面黃,經過幾日..日日home leave,再番醫院抽血,終於過左5日,可以"出院"! 之後,到上星期三(12/8),再去健康院check,黃疸度數都係同出院時差唔多,今個星期三(19/8),即係尋日,又再番健康院check, 結果黃疸度數都係退得好少,醫生同我講,問我想唔想去醫院抽血,check下細佬的肝有冇事,因為細佬都已經兩星期大有多,正常d黃疸應該已經退!不過佢又有話,如果細佬係全人奶,係會退得慢d! 再加上細佬個頭仔有個腫腫的,好似跌親起樓咁,其實係因為媽媽生細佬時,唔夠力(因為痛左廿幾個鐘冇訓過),所以唔小心逼親佢個頭仔,醫生話係有d瘀血積聚左,遲d會自然散! 而呢個地方又會令d黃疸退得慢d!!

唉...細佬,媽媽真係好對你唔住呢..攪到你個頭仔咁,令你d黃疸咁耐都唔退....不過,我尋日同醫生講,話想觀察多一個星期先,因為細佬d大小便ok,而且,體重增長好理想! 所以,我想睇多一星期先,唔想佢咁快又要俾人拮腳仔呢!!

細佬的體重~
8月1日出世時3.715kg,
8月5日收左水重3.57kg,
8月12日重4.01kg,
到尋日(8月19日)已經重4.42kg

姑娘話以全人奶b來講,佢重得好理想! 真係不枉媽媽咁辛苦日餵夜餵呀!! 只係可能因為咁,會令佢的黃疸得慢,所以,要麻煩d,每個星期番健康院check住...不過,為左細佬的健康,媽媽辛苦d都冇計啦!!

而家,只好希望佢的黃疸會快d退..退...退...唔好有其他事!!!

~~~細佬的相片~~~

Day 4

Day 8

Day 10

Day 11

Day 13

Day 15

2009年8月9日星期日

終於都可以回家啦!

好消息,細佬的黃疸指數今日終於都下跌到193啦...雖然都仲係有黃,但係已經可以出院,聽日唔使再番醫院啦,不過幾日後,要番健康院再check...其實,就咁睇佢面仔,都覺得佢黃,不過,好彩個指數唔高....今朝同佢番醫院時,幾驚個指數又會再高!!

唔知係咪真係食奶粉會好d呢...但係另一個問題出現,就係細佬有時會唔肯食樽,要搵媽媽食人奶,呢個情況,通常發生o係佢清醒的時候...因為當佢半夢半醒的時候,餵佢食奶樽係ok架...雖然係會食得慢d...但起碼佢肯吮嘛....但係如果佢清醒的時候,佢會嘗試用手推開個奶樽,或者o係度勁喊...唔肯吮!

點算呢....如果只食人奶,又怕佢d黃會再回升...所以要繼續補下奶粉先...但係佢又一時肯食...一時唔肯食...唉...唯有再繼續睇下二少的取向啦! 如果可以,我當然好想埋身餵呢...因為泵奶真係好煩呢...又要泵,又要洗,食奶粉又要洗奶樽! 希望我可以有足夠的媽媽奶,等細佬可以快d回復全人奶的生活啦...不過,最緊要都係細佬肯合作..唔好成日食食下訓著覺...如果唔係,媽媽就會好辛苦,好攰呢! 細佬,你要乖乖呀...好嘛?

2009年8月8日星期六

Home leave again and again

Home leave again & again.......

因為佢今朝拮腳板驗血,黃疸指數又再反彈呀...尋日201,今朝竟然回升至211!! oh my God....點解會咁架?!

唉呀....我同爸爸決定左今日開始只俾奶粉佢食,而媽媽會泵奶出黎...keep住個奶量,等遲d細佬d黃退哂...先再俾番佢食...希望佢到時唔會唔食啦!!

希望細佬今日會繼續食得多d,去得多d....等個黃疸指數唔好再回升啦!!! 已經去左幾日醫院,每天來來回回,好攰呢...同埋每日聽住佢俾人拮,然後大喊, 真係好心痛呢!!!

2009年8月7日星期五

Home leave again

Home leave again.......即係細佬仲未可以出院啦!!

因為佢今朝拮腳板驗血,黃疸指數反彈呀...尋晚出院前係186,今朝竟然回升至201!! 唉呀...點解會咁架....尋晚我同爸爸已經努力餵佢食奶奶,佢便便又ok架喎....唔通因為食媽媽奶+奶粉的關係??!! 因為之前o個晚o係醫院係只食奶粉,d黃疸退得好快架喎!! 唉呀....希望細佬今日會繼續食得多d,去得多d....等個黃疸指數唔會再回升啦!!!

聽朝又要再番醫院.....細佬呀...對唔住呀...你聽朝又要俾人拮多一次啦!!

媽媽見到都好心痛!!!

細佬,

我唔會放棄餵你媽媽奶的....因為媽媽奶係媽媽可以給你最好的....希望呢段時間快d過....等媽媽可以好好餵你媽媽奶啦!! 不過,細佬你真係好擦得呀....食完媽媽奶,再隊枝奶俾你...你都食到好多呀....唔通媽媽d奶奶真係未夠你食飽?!

anyway, 希望你繼續乖乖,叻叻....食食食...唔好再黃!!! 知道嘛?

2009年8月6日星期四

Home leave

細佬好叻仔呀,黃疸退左好多啦..今晚可以home leave番屋企!

聽朝番醫院再check!!

希望細佬今晚食得好,痾得好....聽日check左冇事,可以唔使再番醫院啦!!

2009年8月5日星期三

細佬要留院照燈

今日,係第一次帶細佬番健康院呀...點知....check左佢的黃疸指數好高...見完姑娘,再見醫生,醫生話要出那打素醫院抽血驗清楚....結果,我地5點去到醫院.攪完一輪手續,大概6點鐘,媽媽睇住細佬...俾姑娘拮腳板,喊得好厲害,而眼淺的媽媽聽到細佬喊得聲嘶力竭,真係心到痛晒...又喊埋一份!

跟住要等兩個鐘頭,先出報告.....餵左細佬食奶奶,我就同爸爸去食飯,再番上去等結果!! 到左大約8點...報告出左...細佬的黃疸指數真係好高,所以要留o係醫院照燈!!

睇住佢被姑娘戴上眼罩,放o係張床度,幾盞燈係咁照住佢...真係好心痛呢!!

希望細佬的黃疸可以快d退,可以快d番屋企啦!!!

2009年8月4日星期二

8月1出世。8月2出院

經過廿幾個鐘的努力，細佬終於都出世啦! 遲d有時間,精神一定會寫番細佬的生產篇,不過唔知幾時,哈哈!但係,一定會寫,因為呢個係我人生第二次的出生入死經歷,生完之後,o係產房我老公講,唔好生第3個啦! 之後,上到病房我同佢講,你爭我兩條命呀!

生完之後,我都好佩服自己,明明上次生完,痛過一次已經有d怕怕,話要諗下先再生...點知,20個月之後的今日,我又會再一次經歷呢個人生最痛!! 不過,我相信呢個決定係冇錯的,因為我相信日朗同天朗一樣,都一定會為我地帶來好多難忘的回憶! 作為父母,可以為天朗找來一個手足情深(我希望)的細佬,相信對佢地兩個黎講,絕對係痛得值得的!

好了....長話短說....睇相啦!!

2 August 2009

因為大房full左,所以,upgrade左去私家病房,但係,生完日朗第二朝,姑娘走黎問我想唔想出院番屋企,我梗係話想啦!! 可能佢見我係生第二胎,有經驗,同埋可能床位緊迫卦?我心諗屋企張床點到好過醫院o個張,同埋番左屋企,有屋企人幫手,點都好d啦!! 姑娘聽完我話想,佢就話因為我未夠48小時,所以要等醫生睇下先...之後,醫生來巡房,

醫生: 你係咪想出院呀?
我: 係呀!
醫生:點呀...掛住大o個個呀?
我:哈..唔係呀!
醫生:點呀...唔想訓醫院呀?
我:係呀!

(話唔掛住天朗就梗係假啦...佢又唔可以黎醫院探我..已經兩日冇見過佢...可以番屋企見到佢...梗係very good啦!!)

跟住,佢睇下我傷口...話冇問題,可以俾我走....之後,姑娘叫我唔好通知屋企人住,話要等兒科醫生睇埋細佬先喎....哈哈...但係之前佢一問我,我已經即刻話左俾老公知可能有得出院,叫佢幫我地拎定衫啦!!

跟住到左12點幾,終於confirm可以出院啦!! 第一時間,打俾老公...叫佢黎接我地啦!