西瓜花花

未煮晚餐之前，先預備了呢個令人好開心的飯後果，仲俾阿媽串我:未整正餐，整甜品，哈哈!!

細佬見到我整，即刻話:好靚呀!!
嘻嘻!!

幾時都話佢係天使與魔鬼的化身，一時激c你，一時氹c你!!

專屬蒸蛋

12 June 2014
朗媽廚房不定期開爐，是日特別為兩位少爺tailor-made蒸蛋，哥哥有蟹柳蒸蛋，細佬就有佢至愛的磨菇蒸蛋，一人一心/一花，哈哈!

再加上粟米魚柳/韓國牛柳條炒西蘭花/消暑冬瓜粒瘦肉湯! 就係咁，成了今晚的3餸1湯，嘻嘻!!

雖然又煮又洗，確係攰，不過能為愛的人辛苦，也是一種幸福!

不過，我仍然要高呼:阿媽，我愛你，因為有你這個專業煮婦，讓我可以做一個業餘煮婦，多謝你!!

朱古力旋風包

今朝深宵出爐，朱古力旋風包。

尋晚，整緊的時候，朗兄弟話要幫手，所以俾佢地幫手放材料!!
之後，揉完麵分一半加朱古力粉，發酵，再包埋一齊，之後再焗，過程比較長，所以細佬等唔到佢出爐，成晚係咁問我得未呀，得未呀？

我話:你聽朝起身有得食啦!

果然，佢今朝一起身，就問:我個麵包呢？
整俾佢食，真係好鬼開心，仲成日叫我整咩包咩包。。哈哈

第7機~~四重朱古力包

第7機~~四重朱古力包

香噴噴，成屋朱古力香味，連刷左牙準備就寢的大羅先生，都忍唔住陪我等收包，即刻食左兩塊。
整緊的時候，已經話要食的細佬，當然唔可以少，即刻拎塊俾佢，佢第一時間將塊包聞下，然後話:好香呀!!

果然係食家啦佢!!仲話要搽朱古力醬添呀，哈哈!!

今次第一次整，有蛋的食譜，嘩，好高大呀!!
我用左朱古力奶+朱古力粉+朱古力釘，仲貪得意放左幾舊Royce朱古力，就做成呢個4重朱古力包了!!

食落有少少...可可的苦澀,令到個包唔會好甜，而且外面好脆，包身鬆軟，成功，yeah!!!

***** 後記~~準備清潔部機時，發現d朱古力釘仲喺部機度，原來我唔記得㩒呢個step,哈哈，所以佢要變番3重朱古力包了。。哈哈哈!!!

可愛的包

唔知佢係聞到滿屋麵包香，定係真係好肚餓，食家細佬一起身，就KO左兩塊麵包!

只係簡單擠個哈哈笑，佢就好開心咁笑，小朋友就是這麼簡單，容易滿足!!

你真係魔鬼與天使的混合體，一時激到我c,一時又氹得我好歡喜，如果你可以多d時間係天使就好啦。。。我知，我好貪心!!  ^_~

基本吐司

本來諗住尋晚"陪"完二少訓覺，就開機整包，點知自己訓著埋。

到3點扎醒，於是爬起身開機，跟住就冇訓番，到今朝哥哥起身，就為佢預備了呢個愛心麵包。

今次整個簡簡單單的基本吐司，好高大靚仔，好開心好滿意!

送完哥哥出門口，爬番上床眠返3粒鐘，之後起身，食左個快lunch,就趕返工了。。。

What a busy day gonna start......

班蘭麵包again

再接再厲，今次正常好多了。。。

第5機~~班蘭麵包。

等收包的時候，已經聞到香噴噴，忍唔住KO了頭尾兩塊，剩番中間好鬆軟的，留俾朗兄弟聽日食!!

仲有，呢把神刀真係名不虛傳，真係好好切!!

班蘭麵包

第4機~特別為愛班蘭的朋友而做，
不過一時重手，太深色了，
唔好意思，下次我會造得更好!!
尋晚整定，今朝起身收包，
成間屋都香噴噴呀!!
繼續努力!!

朱古力包

20 May 2014

天朗今朝食的時候問:媽咪，點解個麵包黑色嘅？

媽咪: 哈哈，因為呢個係朱古力包!!

我仲加左d星星餅喺入面!

然後，佢就即刻“撩”粒嚟食，哈哈!!

2014。5。20

在“愛你一世。我愛你”的今天，
為屋企人預備左呢個sweet 到漏的甜品!!

從自家制吐司，朗兄弟幫手decorate，
放上配料，再加上婆婆自家制雪糕，
呢個充滿了愛的甜品完成了，很滿足!!

我的家人，我最愛你地!!!!

新玩具~P仔麵包機

19 May 2014

新玩具尋晚到手，
第一時間玩啦。。。
加埋上星期在大阪敗的靚靚磅，
整的時候，份外開心。。
今朝起身，聞到香噴噴啦。。。

第一機~~軟式麵包，成功啦，yeah!!!

哥哥今朝早餐係:朱古力花生醬麵包

朱古力紙包蛋糕

為天朗預備了他至愛的紙包蛋糕，
明天做早餐，
有原味同埋第一次整的古古力味，
唔知佢會揀邊款呢？

整左4個，仲剩少少，所以整左個古古力cupcake！

兄弟的愛

這個不是普通的水杯，裡面裝的除了是麥精之外，更是裝滿了弟弟對哥哥的愛！

這個是細佬在學校食茶點用的水杯，今天的飲品是麥精，但是他不喜歡喝，他知道哥哥喜歡喝，於是他想到帶回家中，請哥哥喝！

只是，他並沒有想到，他的水杯防漏功能並不那麼好，所以，放學時，倒濕了書包！

雖然開頭覺得他有點傻，但是其實是很窩心的！之後，他還背著哥哥重重的書包回家！

著錯鞋

今天，哥哥要上體育課，應該穿運動服+ 白波鞋！

誰知這個睡眼惺忪的哥哥穿了黑支皮鞋出門口，而我呢個也是睡眼朦朧的媽媽只顧催佢地快d出門口，也沒發現！
（事緣，平時，我會預早一晚幫佢準備好校服+鞋襪,但因為昨晚回家已很夜很累，所以只幫他檢查了功課+執好書包！）

幸好，行到一半，朗爸發現了，於是我和天朗繼續行去等校巴，而朗爸立即跑回家，拿白波鞋！ 幸好，最後也趕上了，不然，哥哥今天的體育課，便泡湯了，哈哈！

 送完阿仔上校車，我便獨自挽著呢對黑皮鞋，回家去了,哈哈！

愛心早餐

雖然今朝要返工，不過都提早起身，整左愛心火腿三文治+花花三文治，幫天朗打打氣！

然後又唔捨得唔送佢上校車，所以佢上左校車，我就趕趕趕，好彩趕得上巴士！

其實坐下一班都得，不過上到呢一班，時間會鬆動d! 哥哥，我地一齊加油呀！

Cooking LongMa~~蛋糕仔+滑滑燉蛋

因為細佬一句:媽咪你整俾我食呀! (事緣佢見到我睇緊同事FB一張焗蛋糕仔的相)
佢好攪笑咁話:俾個GOOD佢呀,然後就叫我整俾佢食,哈哈!!

我話好啦....不過結果因為時間問題,都係趕唔切俾佢地TEA TIME食,
所以,成了哥哥聽朝的早餐了!! 無計,我都好想佢早餐食多D,
但奈何佢好難再早D起身,所以好多時,只係能夠食下麵包,食下蛋糕仔,
唯有希望,佢午飯可以食多D啦!!

之後,黃昏時候,整左十分易做的滑滑燉蛋

做好之後,食晚飯, 到細佬食飽飯時,時間剛剛好,攤暖左,o岩佢食!
而朗爸喜歡凍食,所以放入雪櫃,到佢OT完回來,食完晚飯,便有凍燉蛋食,
算做慰勞下佢一天辛勞的工作啦!! 嘻嘻!!!

總之,整o既開心,食o既滿足!! YEAH!!!

新的開始

 由於也烏BLOG要關門大吉了,雖然我的BLOG都封左塵好耐了,

不過,裡面都記載住好多值得回味的記憶,所以,將佢搬左過來了,

希望遲D有時間寫下新野,或者補番D之前好想記低的事啦!!

7 OCT 2013 

這星期有個好的開始，6:40天朗自己爬起身，刷牙洗臉食早餐，完全冇扭計！

再加送一個又係自己彈起身的細佬，由於佢番下午，叫佢再訓番，佢唔肯，
於是齊齊去送哥哥上校車,sweet brothers,love ya!!!

之後,同佢去左食麥記早餐...食完早餐,想話叫佢訓多陣,當然佢啋我都傻啦!!
一路行返屋企時,佢已經同我講返屋企,要玩玩具!!

又搬屋

從收到業主通知,她賣樓了,到要搬走,大約只有個半月的時間!

煩惱來了,到底我們要繼續租樓定買樓呢?

期間都有睇過幾個賣盤,不過都係覺得很貴,唔值得!
加上,老公做呢行,更加覺得用這個價錢買這種地方,很不化算!!
所以,佢傾向繼續租,但我真的不想再過著這樣的日子,
從第一個地方賣掉,到租地方,住了兩年,業主賣掉,搬到這裡,住了一年,業主又賣掉,
如果又再租,不知何時又要再搬,我真的會瘋了,因為搬屋真的不是一件樂事!!

不過,看著樓市一直升一直升,真的不知什麼時候,才可以讓我們重新擁有一個安樂窩?!?!

呢個時候,轉機來了,竟然出現左另一個option,就係搬去村屋住!
當我同朗爸商討的時候,大家都覺得應該ok...
不過,最攪笑的係佢話:ok o既,不過我驚你住唔慣姐。。。。
跟住我哈哈大笑：我點會住唔慣，o個度係我住左廿幾年的地方,我驚你住唔慣多d law...哈哈...
然後佢話:咁又係....

就係咁,我地決定搬返去呢個我從小長大的地方...我爸媽屋企隔離!!

不過,由於地方殘舊,加上丟空多時,所以要搬入去住,就得大裝修一下!!

但係,裝修需時,所以問下業主可唔可以推遲我地搬走的時間,但係得到回覆,新業主一定要準時收樓!!

所以...唯有盡量催速裝修進度!!

不過,結果都係未裝修好,我地就要搬入去了....好彩大部份的野都做好,只係差D手尾!!

就係咁....我地又搬左屋啦!!

再來Abu Dhabi~Ferrari World

24 Aug 2011

上次冇去到的Ferrari World,今次終於去左啦!!
這是全球最大的室內主題公園，亦是全世界首個法拉利主題公園。
雖然入場費要成225AED,大約500HKD...不過一場黎到..冇理由唔玩下架!!

用來運F1的大貨車

有點像香港迪迪尼的馳車天地

Fiorano GT Challenge ~ 以法拉利F430為造型的過山車, 唔算好刺激...

古董D的法拉利 @Galleria Ferrari

我好鍾意呢隻色

扮細路....呢架車只係for under 12玩...我地只係坐上去影張相,冇得玩!!

Formula Rossa~全世界最快的過山車....可惜呢日冇開...冇得玩!!!

inside the store....呢架玩具單車...要成4千幾HKD...CRAZY!!

模型車...二千幾HKD一架....

呢D細D平D...大約800HKD一架...

希望下次可以有機會再來,感受一下240km/h的過山車啦!!!

再來Abu Dhabi~Emirates Palace Hotel

21 Aug 2011

隔了個多星期,又再來到Abu Dhabi,
這日用左100dirhams參觀Emirates Palace Hotel
這是取代了杜拜的帆船酒店（Burj Al Arab），成為全球最豪華的酒店!!!
住唔起,入來參觀下,見識一下都好啦!!

   

個logo都幾靚

圖文並茂的指示牌

參觀suite 入面的設施...好大...除左基本的睡房,浴室,仲有休息室,飯廳......好豪!!!
這些3 房的皇宮套房每晚承惠近 10 萬元!!!!

最正係個Jacuzzi....

呢度真係好大...連Auditorium都有!!

不過，最令我讚嘆的都係呢部Gold ATM,自助買金機！勁！

參觀完畢,得到的Souvenir-金箔一片！

At the lobby of the suite tower.

後話: 之前成日聽人講,sex and the city 2 是在這兒拍攝,但當日我地去參觀時,
有同事問個酒店職員,佢話"唔係"....當下大家都好愕然,原來唔係o係呢度拍架!!
後來,我上網search資料時,無意中發現,原來........
阿布扎比拒絕電影拍攝申請，電影實際上在北非摩洛哥取景，
但電影依然看好阿布扎比的潛力，劇本不改，故事不變。

哈哈哈.....