12 Mar 08
bebe豬,
今日係你4個月大的日子啦..媽媽同爸爸出左街食飯,慶祝下先,不過你冇份食住呀...你食住奶奶先啦! 等你大個仔,就可以同我地一齊食啦!! 嘻嘻!!
今日,你好乖乖呀...媽媽先去到坐低,同你開餐先,你好叻叻呀!只消10分鐘,便將180ml奶奶食得乾乾淨淨啦! 真抵鍚呀!!
不過,你都為我地加料呀...正o係媽媽爸爸輪流抱住你,輪流食o野的時候,你竟然製作"黃金糕",於是媽媽就要放下筷子,同你去廁所換片片啦! 今日,都係媽媽第一次同你o係商場洗手間換片片呢!
永遠愛你的媽媽 字
你飲奶奶,媽媽飲珍珠奶茶! 嘻嘻!
食飽飽 我地返屋企啦!
o係回家途中,你已經不知不覺在媽媽懷中zzz.....
8 Mar 2008 第一次坐火車
今朝,我食飽奶奶..同媽媽玩左一陣...
..好開心呀...然後再食左陣手指....
先再..覺覺豬呀!!
到夜晚...媽媽第一次帶我坐火車呀...
我地去左沙田...探熙熙姐姐同梓睿哥哥!
佢地見到我..都好開心呀!! 哈哈!
媽媽: 天朗,你真是媽媽的心肝寶貝呀!!
睇下...我地又表演下...大爺式的大大先!! 嘻嘻!!
小別勝新婚 6 Mar 2008
講緊o既...已經唔係我同老公啦....而係同我的心肝寶貝~天朗...雖然,老公真係好好呢...尋晚專程走o黎機場接我,我真係好surprise呢!! Thanks a lot, my dear!
尋晚,o係英國番黎之後,番屋企放低行李,沖個靚涼,就即刻衝番阿媽度,見下我寶貝仔,都有諗過接佢番屋企,但係諗清楚,都係冇接佢走,因為我自己都要好好休息下嘛!
番到去,仲唔第一時間,抱住天朗唔放!!
仲要餵埋佢飲奶奶...先至捨得走呀...
所以,都係今日先叫阿媽接佢番過黎我度好d! 咁就係咁,我先可以有機會訓一大覺! 真係好耐冇試過可以訓咁多個鐘呀!! 哈哈!!
尋晚聽阿媽講,天朗已經開始學人轉身,不過係轉到一半...今日,同阿仔試下玩下先....
天朗好似轉得好開心咁呀...
媽媽: 天朗,你睇你食手指食得幾"肉緊"!!
夜晚,老公又將天朗反轉玩...
不過,天朗似乎都幾開心...
起碼咁樣食手指方便d嘛..哈哈..
媽媽: BeBe豬..你咁樣食手指的樣真係好可愛呀...媽媽愛c你...
真好,媽媽放幾日假,又可以日日見到你啦!!
