滿月了~健康院檢查

13 Dec 2007

今日,下午帶左bb番健康院檢查+打第二針乙型肝炎,其實都唔係咩檢查啦,
都只係姑娘量下頭圍,問下問題咁啦...
bb好叻呀,出世時3.485kg, 11日大時 3.53kg, 到左今日滿月已經有4.5kg啦!
雖然唔算好重,但係算係中位數啦,我都好滿意啦,
因為我已經好努力,每日24小時on call,不停提供差唔多10餐俾佢啦!

bb都好乖呀,因為出門口前食飽飽,所以全程都覺覺豬,只係打針o個時,大叫左3秒,然後繼續覺覺豬...每次見到bb打針,都很心痛呀,今次仲要我按住佢隻大脾仔,望住個姑娘"吉"落去...

唔知仲要等幾耐呢??

吉在你腳,痛在我心

吉完針,我地繼續覺覺豬

你睇我訓得幾型!!

我好鍾意咁樣伏在媽媽身上覺覺呀,仲要用對手做枕頭呀!

仲有呀,爸爸今朝幫我地拎左出世紙啦...我係天朗呀...其實,大家都知啦!

「天朗」就是天父所賜、活潑開朗的意思 !

至於我的英文名,爸爸媽媽仲傷緊腦筋呀!!