copy from BaBa's blog>>>>
早知道一定會中招的, 只是遲早問題 …… 在一個人口密集的城市生活, 面對一種高傳播性的病毒, 就算今日唔中, 我知, 將來返學都難逃一劫 (自我安慰中) …… 唯有望 ~ 中一次好勒.
天朗星期一晚開始發燒, 星期二、三開始話喉嚨痛, 到星期四見到天朗喉嚨生左好多痱滋 & 連細佬都開始發燒, 就算醫生話仍未可以confirm, 我地都知9成9係 手足口病。
有心理準備是一回事, 到真正發生又是另一回事 ……
手足口病沒有治療方法, 約1星期就會自行痊癒. 但病情就慘絕人寰 >> 喉嚨同脷潰瘍、生滿痱滋, 咩到食唔到, 連吞口水都會好痛, 但見到兩兄弟要齊齊受苦,真係好淒涼 ……
天朗成日冇野落肚, 好肚餓好想食但又唔敢食, 每食一啖後就大喊好痛好痛, 唔敢食第2啖, 連水都唔肯飲.
超為食、成日唔夠飽的日朗竟然食半支奶就唔肯再食, 佢未識講, 但就不停指住自己個口.
佢地仲要捱多幾日, 希望2兄弟快d好番啦
沒有留言:
張貼留言