呢一日終於來到啦....早在去年,計劃今年的年假如何安排時,選了9月初這個星期,幸好被我bid到了...所以,,這個星期可以安安心心,接送天朗返學放學!! 而且,頭3天的適應期,只係返一個鐘,我更加可以陪住佢一齊....
逢一,三,五著運動服....今日星期一,所以第一日返學,著運動服呀!!!!
拖住天朗,帶佢返學....呢個感覺...真係好似有d難以置信...想當年..佢仲o係我個肚時...
入到去課室,玩下玩具先....
之後,收拾好玩具,開始上堂啦!!!
聽老師講故事時,天朗時不時就企起身....好似好好奇咁,.....
洗完手.....食茶點時間到啦!!!
一個鐘的時間好快過啦.....老師派左書包...再唱埋放學歌....要放學啦!!!
呢度就係你今年的課室,希望在你人生第一年上學的日子,你會過得很開心,平安!!!
放左學,個個小朋友見到d玩具車...都好想玩...
天朗見到人地玩,佢又想玩,本來,我都冇俾佢玩...因為唔知可唔可以玩嘛....
但係,我見過左一陣,老師都冇阻止,咪諗住俾佢玩一陣....
點知...就係呢個時候....校長開咪...話要放學走啦..唔好玩啦....哈哈....
因為其實呢幾日適應日,係分開男仔同女仔上堂....男仔上完堂,要輪到女仔上啦...
所以,我地要走左...女仔先可以入黎上堂嘛....嘻嘻!!
天朗的書包+學校為天朗預備好的茶點三寶~水杯+毛巾盒+食物盒!!!
31 Aug 2010
天朗著起校服,成個大個仔晒....嘻嘻!!
一入到課室,又去番尋日o個張枱,玩玩具!!!
又來到茶點時間啦....
o係佢地食緊茶點的時候,老師就叫我地出門口等...然後拎張放學証o係門口排隊,..
等佢地開始習慣下...同埋試下"接放學"!!
就係呢個時候,天朗發現我要出去,即刻表現唔開心...唔俾我走...經過我一輪解釋,
講左好耐..佢先肯俾我出去!!!
1 Sep 2010
來到適應期第三日,都係最後一日啦!!
細佬一齊送哥哥出門口呀...仲俾左個cheer up俾哥哥...yeah!!!
好快你就可以同哥哥一齊返學啦!!!! 哈哈...
話說,前一日,媽媽突然同爸爸講,不如你聽日請半日假,陪天朗返學啦...因為呢d機會唔係成日有....於是,呢一日,爸爸放左工,即刻趕番黎一齊送天朗返學....
返到學校第一件事....洗手!!!!
洗完手...就入課室啦....點知....今日學校唔俾家長入課室一齊陪.....oh...
結果,爸爸冇得陪天朗一齊上堂了....我明白o既...學校想佢地慢慢適應自己一個上堂!!
不過,天朗都有d扭計,要老師開解佢....佢先冇野!!!!
話咁快...一個鐘過去....放學啦!!!!
天朗, 之後的日子....你要加油呀....我知你得o既,,,因為你係爸爸媽媽心目中的叻仔!!!!
沒有留言:
張貼留言