新的開始

 由於也烏BLOG要關門大吉了,雖然我的BLOG都封左塵好耐了,

不過,裡面都記載住好多值得回味的記憶,所以,將佢搬左過來了,

希望遲D有時間寫下新野,或者補番D之前好想記低的事啦!!

7 OCT 2013 

這星期有個好的開始，6:40天朗自己爬起身，刷牙洗臉食早餐，完全冇扭計！

再加送一個又係自己彈起身的細佬，由於佢番下午，叫佢再訓番，佢唔肯，
於是齊齊去送哥哥上校車,sweet brothers,love ya!!!

之後,同佢去左食麥記早餐...食完早餐,想話叫佢訓多陣,當然佢啋我都傻啦!!
一路行返屋企時,佢已經同我講返屋企,要玩玩具!!

 

然後,佢有佢玩玩具,我有我做我的家務啦,吸塵,拖地,洗衫,曬衫....非常充實的去開始這個星期!!

我好懷念老公幫手做家務的日子,雖然而家佢好間唔中都會幫下手.不過我知道我唔可以怪佢啦! 因為佢返工真係好辛苦,好累,隨時隨地都可以訓著!!所以,還是靠自己吧啦!! 加油呀!!!!