旺角新d城3樓甜x屋

真是太過份了....今天令人氣結的遭遇...一個只有佢講冇人講的伙計 

顧客A 買左珍寶腸,雞翼同埋唔知咩包,但o個隻唔知咩包賣晒,佢就叫人買另一隻包,話o個隻仲好食呀!!於是,顧客A便買左,準備離開,佢話你唔落汁呀...顧客A話唔使啦,佢就話唔落汁唔好食架!!!

本來我同我個friend係顧客B,點知俾顧客C打左尖,跟住顧客C話要雞翼(標價$9/3隻),佢就同顧客C講話要4隻啦,顧客C問點解呀?跟住佢答12蚊有4隻,

然後顧客C話唔使啦,3隻得啦,跟住佢就黑住面咁夾3隻雞翼俾顧客C !!! 

之後到我地啦,我地要左杯大粟米,燒賣同埋山竹牛肉,佢先俾左杯粟米我地,我地叫佢俾多個匙羮我地,因為我地兩個人食,佢話我地不嬲一杯係跟一個匙羮,d匙羮好貴,要多個要俾$$!!!

 當然我地冇咁聰明,用$去買多一隻匙羮啦!!!後來佢話冇牛肉,叫我地要粉果啦,又話粉果好好食,咁我話唔要啦!!我個friend忍唔住講左句:你樣樣都好食架啦! 跟住俾$諗住走啦,o係佢找錢的時候,仲要寸番我地:咁我對我d野食有信心呀嘛,d人食左都番轉頭幫襯呀!!! 仲係咁怒啤住我地兩個!!

係呀,你d野真係好好食呀,咪又係買番黎,你整番熱佢!!    

 

本來,我friend有時都會幫襯下佢,但我相信就因為呢個匙羮,佢應該唔會再有機會做我地生意啦!!!!!