兩個星期了

發生路埳事件已經差唔多兩個星期了!! 呢兩個星期,老公晚晚都要開OT,好辛苦!!朝8晚8的生活實在太難為他了!!  而且,佢每日番到公司都要面對好多唔同政府部門的人,不停輪流炮轟,又要應酬佢個"好聰明"的腦細!!可以幫到佢的人真係唔多! 而我都冇咩可以做架,唯有自己乖乖的,好好照顧自己,盡量唔煩佢啦!! 希望呢D事可以快D解決啦,如果唔係,我老公(仲有我同BB呀) 都冇好日子過架啦!!

好可惜,我的身體最近真係唔係幾好, 成日嘔同埋暈!! 好辛苦呀!!

 希望呢個嘔吐階段快d過去啦!! 望著自己個肚一日比一日大,真係覺得好奇妙呀!!  原來,做人媽咪真係唔易架,先要度過呢10個月懷孕期,繼而係最刺激的生仔過程,然後便要努力養育佢成人!!  仲有個零星期就係母親節了,雖然bb仲o係我肚裡面,不過佢已經委託左佢爸爸要送份禮物俾佢媽媽架啦!! 哈哈!!