天朗的第一個9號風球

22 August 2008

今日,竟然掛9號風球呢....呢d機會唔係成日有呢.....好彩媽媽尋日已經從印度返港,如果唔係,就好麻煩呢!!!

今次都係天朗人生中的第一個9號風球呢...雖然,佢都唔知發生咩事....只係好似多左一個星期日咁 ...因為有爸爸同媽媽一齊o係屋企陪佢玩!

而媽媽都因為前晚通霄工作,尋日下午番到黎香港,都冇咩點休息,所以由尋晚開始,都係爸爸負責照顧天朗....直到今日下午媽媽訓醒,真係多得鸚鵡呢...令到天朗爸爸今日有得放假o係屋企,等媽媽可以好好休息一下!! 因為剛完成的呢班印度航班,真係超級辛苦呢,5日要飛6程機...加上d客的需求相當高...幸好我今次係做商務艙,見到經濟艙的同事,做過不停,所以我已經算好好彩了!! 我再一次跟自己講...Bombay(印度孟買)一年一次夠了...pls!!! (http://hk.myblog.yahoo.com/chumanfish/article?mid=28)

今日, 天朗都係o係屋企食,玩,同訓....因為外面好大風呢....雖然雨唔算大....但都係留o係屋企安全d.....

朝早...食完奶奶...o係床仔玩...係食玩具至o岩...

下午...o係大床爬..爬..爬

9 號風球...當時香港高禮澤對緊中國王皓呢...

之後,爸爸媽媽食麥記....有個bb為食豬呀...

你睇佢...食得幾開心...

仲要飲汽水呀..(其實佢係飲唔到..因為佢未識啜!)

然後,我地出左去delifrance食晚餐呀!

因為delifrance 有張好d的bb椅...可以俾天朗自己坐定定食野呀..

佢食完自己的星星粉..仲唔夠,要搶我地的飽食呢..

天朗: 我人生的第一次9號風球呀!!