天朗發燒的幾天

今朝,媽媽剛從L.A.回來,14個小時的航程,累死了...幸好,客艙並不滿,不然,會更累!!

其實,媽媽星期二晚去L.A.時,天朗正在發燒,所以媽媽是懷著擔心去上班呢!! 說回來,天朗從上星期日(24/8)晚,開始發燒,當時,天朗在婆婆屋企,媽媽正身在台灣,第二天(25/8),媽媽回來後,婆婆便將天朗送回來,天朗的發燒仍是斷斷續續的! 吃過退燒藥,好一點,但過後,又再燒,本來,夜晚應該是要送天朗番婆婆屋企,因為這星期媽媽正在stand-by duty中,不過,晚上,媽媽諗住同天朗一齊訓一陣再送佢番去,點知一訓就訓到12點幾,結果天朗爸爸就請婆婆第二朝一早來接天朗走吧! (因為媽媽的duty 7點開始!)

感謝主,媽媽在9點多接到公司的電話,說不用再等電話,到晚上先要番工,於是媽媽同天朗一齊再訓過,因為之前o個晚,天朗成晚醒,所以爸爸媽媽都冇覺好訓! 直到11點幾訓醒,天朗仍然係發燒,於是決定要帶佢去睇醫生! 我地估佢可能係因為出牙仔,但醫生話佢有少少感冒,因為佢話天朗淋巴腺有d脹,同埋喉嚨有d紅,於是俾左d退燒藥,同埋叫我地留意下佢有冇出疹,因為佢有可能係出玫瑰疹!

因為天朗除左發燒之外,並冇其他唔妥的地方,食得,玩得,只係有d痴身,於是媽媽只好送天朗番婆婆屋企,然後收拾行裝,準備上班去!

直到今朝,從L.A.回來,我番到屋企,沖完涼,諗住訓一陣,再接天朗番黎,點知,就係呢個時候,收到我媽電話,佢講番天朗呢兩日的情況俾我知!話佢尋日(28/8)朝早,見到天朗身上有d點點,於是帶佢睇醫生...醫生話佢可能係敏感...於是俾左隻藥膏佢搽,點知....過左幾個鐘...到差唔多夜晚的時候,情況變得嚴重,天朗全身紅得一撻撻,於是我媽等埋天朗爸放工,一齊再去睇醫生,醫生一見到佢.就話佢出風"難",於是,另外開左一隻藥水俾天朗! 由此我媽&老公懷疑天朗係搽左o個隻藥膏之後,情況轉壞,於是冇再同佢搽!! 只係,俾佢食藥水,食左之後,有好轉,以為會好! 但係到佢今朝,情況並唔係想像中好,我媽說天朗身上的風"難"比尋日更厲害,佢只係o係電話同我形容天朗的身體情況,已經聽到我...媽媽實在覺得很心痛呢....第一時間跑回家,睇下佢,然後決定帶佢睇另一個醫生....

醫生話天朗係風"難",同埋佢話呢兩個星期,佢見到都有好多小朋友出風"難",所以相信有一種病毒正在散播, 因而令到天朗發燒..繼而出風"難"!! 我問佢..天朗會唔會傳染別人,佢話天朗係會有機會將呢隻病毒傳染別人,別人有機會發燒,但未必一定會出風"難",要睇下人地會唔會比較敏感,如果唔係咁敏感的話,都唔會出風"難"!!

同天朗睇完醫生,就番左屋企,希望佢會快d冇事! 見到天朗的身體,真係好希望,有病的是我自己,而不是他呢!!

 

超驚嚇 (警告: 內有驚嚇相片) http://hk.myblog.yahoo.com/Carbon-Baba/article?mid=2147