11 Mar 2009~發燒的天朗

11 Mar 2009~發燒的天朗

今朝起身,婆婆發覺天朗有d發燒,探耳仔有華氏99,少少燒,唔算好高,但係穩陣起見,媽媽放工帶左佢去睇醫生,醫生話佢應該係有d感冒!

天朗:媽媽,做咩俾呢枝野我拎住...我唔要食呀!!

媽媽:天朗,你好乖乖呀...雖然你唔鍾意,唔想食...但係我地用針筒"揤"入你個口,你都冇吐番出黎....都肯吞晒佢! 叻叻豬呀...媽媽錫晒你!!

經過一輪搏鬥,食哂d藥...有得玩積木啦!!

做咩玩玩下積木,走左去玩腳o既?

同爸爸一齊砌!!

天朗:媽媽...又要黎探熱啦.....

天朗: 我識用呀....放o係耳仔嘛...我叻唔叻呢?

雖然天朗發緊燒,好似冇咩精神,好"忟豬",冇咩胃口,好似好眼訓咁..可能因為下午訓得好少...不過,都肯玩,同佢玩,都笑得好開心...

但係,夜晚食飽奶奶,好早就訓左...哄佢訓左覺覺,媽媽就番屋企了!
希望佢快d冇事啦!!