攪笑videos
天朗"幫"細佬食奶咀
13.10.2009
2009年10月30日 星期五
29 Oct 09~天朗第二個interview
29 Oct 09~天朗第二個interview
尋日,下午又帶左天朗去in K1,呢間係最近屋企的幼稚園,不過純粹諗住俾阿仔拎下經驗,因為我同爸爸都希望天朗可以入讀基督教背景的幼稚園,所以我地最希望天朗入讀的係聽日(31/10)將會in的一間!!
講番尋日先,阿仔呢期的情緒真係好唔穩定呢,話說,換好衫,準備出門口時,佢竟然唔肯走.話要婆婆一齊去,但係婆婆要留o係屋企睇住細佬嘛!! 於是,我只好強行抱佢出門口,雖然係好近,但好彩我都預早左好多時間出門口,所以,跟住先夠時間俾我,去平伏佢的心情!!
先係帶佢落樓下遊樂場,點知,佢依然大哭大叫,話要番屋企搵婆婆...佢唔肯玩...算..跟住我就帶佢去左屋企對面7仔,諗住買枝益力多,哄下佢,令佢收聲,唔好再喊...開頭佢都唔係好肯...好彩跟住慢慢佢都開始平伏了,"唔記得"左搵婆婆了!! 然後,我就同佢慢慢行去間幼稚園,仲有d時間,就同佢o係學校門口個遊樂場玩一陣,令佢放鬆下心情...點知,攪笑位o黎啦...我地一踏入個遊樂場,就有位太太問我: 你係咪深圳o黎架,定係呢邊架? 我只係輕輕答左佢一句:唔係呀! 跟住就冇理佢了!! well....家下我個樣好大陸咩,定係佢地覺得間幼稚園只係for 佢地架呢...哈哈....anyway...呢間始終都唔係我地心儀的學校,所以算吧!
講番阿仔的interview啦,時間差唔多,我地就入去啦,先係o係個課室交表,等面試,枱面放左d玩具俾阿仔玩,佢玩左一陣,就叫佢個名,入去in了....去左另一個課室,坐低之後,老師問我天朗識唔識講野,我話佢識!! 跟住老師問佢叫咩名? 佢好細聲咁答:天朗! 然後就俾左木玩具,上面有幾塊積木,老師叫佢逐塊拎出黎,拎哂出黎之後,就逐塊逐塊俾佢,叫佢match番落去塊板度, 阿仔好叻呀...全部o岩哂!! 之後拎左條香蕉出黎,問佢係咩黎o既? 哈...佢明明識架,不過佢唔出聲,咁老師就講香蕉...佢就跟住講...然後拎隻蛋問佢,佢就答: egg!!! 之後仲有一樣..但係我唔記得左係咩lu...跟住放o個3樣野o係枱面,然後叫天朗拎條香蕉俾佢,天朗都做到!! 跟住老師話佢叻,送左粒糖俾佢,老師叫佢講多謝! 佢唔出聲,咁我笑佢講thank you啦...點知佢話thank you mammy...haha..真係俾佢笑死!!送左粒糖不得止,老師仲拎左架車仔出黎,問佢係咩? 佢就答的士..其實係架私家車...原來架車都係送俾佢架喎...(嘩....咁大手筆o既...1蚊報名費都唔使喎...只係俾左4個回郵信封,就換左架車仔番屋企..哈哈哈!!)
然後,老師就叫佢將架車仔同粒糖放入個紙袋,跟住走得啦!! 前後唔使5分鐘...in 完!!哈哈...跟住天朗就自己拎住個紙袋番屋企啦....沿途我話幫佢拎,佢都唔肯,要自己拎...好攪笑!! 番到屋企,第一件事,就係拎左粒糖出黎食....然後拎埋架車出黎玩...哈哈!!
呢間都係一樣,11月頭會收到信,睇下收唔收!!
尋日,下午又帶左天朗去in K1,呢間係最近屋企的幼稚園,不過純粹諗住俾阿仔拎下經驗,因為我同爸爸都希望天朗可以入讀基督教背景的幼稚園,所以我地最希望天朗入讀的係聽日(31/10)將會in的一間!!
講番尋日先,阿仔呢期的情緒真係好唔穩定呢,話說,換好衫,準備出門口時,佢竟然唔肯走.話要婆婆一齊去,但係婆婆要留o係屋企睇住細佬嘛!! 於是,我只好強行抱佢出門口,雖然係好近,但好彩我都預早左好多時間出門口,所以,跟住先夠時間俾我,去平伏佢的心情!!
先係帶佢落樓下遊樂場,點知,佢依然大哭大叫,話要番屋企搵婆婆...佢唔肯玩...算..跟住我就帶佢去左屋企對面7仔,諗住買枝益力多,哄下佢,令佢收聲,唔好再喊...開頭佢都唔係好肯...好彩跟住慢慢佢都開始平伏了,"唔記得"左搵婆婆了!! 然後,我就同佢慢慢行去間幼稚園,仲有d時間,就同佢o係學校門口個遊樂場玩一陣,令佢放鬆下心情...點知,攪笑位o黎啦...我地一踏入個遊樂場,就有位太太問我: 你係咪深圳o黎架,定係呢邊架? 我只係輕輕答左佢一句:唔係呀! 跟住就冇理佢了!! well....家下我個樣好大陸咩,定係佢地覺得間幼稚園只係for 佢地架呢...哈哈....anyway...呢間始終都唔係我地心儀的學校,所以算吧!
講番阿仔的interview啦,時間差唔多,我地就入去啦,先係o係個課室交表,等面試,枱面放左d玩具俾阿仔玩,佢玩左一陣,就叫佢個名,入去in了....去左另一個課室,坐低之後,老師問我天朗識唔識講野,我話佢識!! 跟住老師問佢叫咩名? 佢好細聲咁答:天朗! 然後就俾左木玩具,上面有幾塊積木,老師叫佢逐塊拎出黎,拎哂出黎之後,就逐塊逐塊俾佢,叫佢match番落去塊板度, 阿仔好叻呀...全部o岩哂!! 之後拎左條香蕉出黎,問佢係咩黎o既? 哈...佢明明識架,不過佢唔出聲,咁老師就講香蕉...佢就跟住講...然後拎隻蛋問佢,佢就答: egg!!! 之後仲有一樣..但係我唔記得左係咩lu...跟住放o個3樣野o係枱面,然後叫天朗拎條香蕉俾佢,天朗都做到!! 跟住老師話佢叻,送左粒糖俾佢,老師叫佢講多謝! 佢唔出聲,咁我笑佢講thank you啦...點知佢話thank you mammy...haha..真係俾佢笑死!!送左粒糖不得止,老師仲拎左架車仔出黎,問佢係咩? 佢就答的士..其實係架私家車...原來架車都係送俾佢架喎...(嘩....咁大手筆o既...1蚊報名費都唔使喎...只係俾左4個回郵信封,就換左架車仔番屋企..哈哈哈!!)
然後,老師就叫佢將架車仔同粒糖放入個紙袋,跟住走得啦!! 前後唔使5分鐘...in 完!!哈哈...跟住天朗就自己拎住個紙袋番屋企啦....沿途我話幫佢拎,佢都唔肯,要自己拎...好攪笑!! 番到屋企,第一件事,就係拎左粒糖出黎食....然後拎埋架車出黎玩...哈哈!!
呢間都係一樣,11月頭會收到信,睇下收唔收!!
2009年10月28日 星期三
10 Oct 09~第一次一齊玩playground
10 Oct 09~第一次一齊玩playground
望住哥哥玩...細佬都好想玩埋一份...嘻嘻!!
於是...媽媽又俾細佬玩下...其實係"訓"下...哈哈!!
Tin Long loves Yat Long...
Tin Long, you're so sweet...MaMa loves you 2!!!
望住哥哥玩...細佬都好想玩埋一份...嘻嘻!!
於是...媽媽又俾細佬玩下...其實係"訓"下...哈哈!!
Tin Long loves Yat Long...
Tin Long, you're so sweet...MaMa loves you 2!!!
2009年10月27日 星期二
好緊張
好緊張呀....尋晚,突然諗諗下...咦...原來下個星期,就係我地出發去旅行的日子啦...但係咩都未book....哈哈...今朝早,拿拿聲出好機票,book埋酒店!! 感覺立即實在好多!! 哈哈!!
本來,今年過去的暑假,會係天朗第一次搭飛機去旅行,但係因為細佬的出現,令呢個機會冇左...所以,今次去旅行會係天朗第一次搭飛機呀!!! 唔知佢會唔會喊呢? 唔知佢肯唔肯坐定定呢? 平時自己番工,見到人地帶住d bb(雖然天朗已經唔係bb了!) 或者小朋友,今次自己帶住自己個仔坐飛機,感覺會係點呢...而家當然係好興奮啦....有得去玩嘛!! 不過,都有d怕佢o係機上曳曳,唔肯坐定定...因為自己都見過唔少...bb都還好...佢只係喊...最多嘈d...但係好似佢地咁..大左d...就唔只係喊咁簡單,有見過d小朋友,死都唔肯坐低,係咁發顛..不停發脾氣!! Anyway,我相信天朗應該唔會的!!
其實都諗左好耐,到底好唔好放低細佬,帶天朗去玩呢...因為細佬仲食緊媽媽奶嘛...如果離開佢幾日,一來肯定會心掛掛啦,二來又要日日pump奶,keep住奶量,等到番黎的時候,可以繼續餵奶!! 雖然係麻煩左d,不過,我都真係好想俾天朗有幾日,100%的爸爸+媽媽,因為自細佬出世以來,佢成日都要陪我o係屋企,冇咩得出去玩! 所以,今次旅行會係對天朗的小小補償+獎勵,因為佢真係一個好哥哥..so far細佬出世以來,佢都好鍚細佬...亦都當係天朗的兩歲生日禮物啦!!
天朗將會使用的第一張機票!!
希望我地可以有個平安,開心的新加坡之旅...而細佬都會乖乖,同婆婆好好合作啦!!
本來,今年過去的暑假,會係天朗第一次搭飛機去旅行,但係因為細佬的出現,令呢個機會冇左...所以,今次去旅行會係天朗第一次搭飛機呀!!! 唔知佢會唔會喊呢? 唔知佢肯唔肯坐定定呢? 平時自己番工,見到人地帶住d bb(雖然天朗已經唔係bb了!) 或者小朋友,今次自己帶住自己個仔坐飛機,感覺會係點呢...而家當然係好興奮啦....有得去玩嘛!! 不過,都有d怕佢o係機上曳曳,唔肯坐定定...因為自己都見過唔少...bb都還好...佢只係喊...最多嘈d...但係好似佢地咁..大左d...就唔只係喊咁簡單,有見過d小朋友,死都唔肯坐低,係咁發顛..不停發脾氣!! Anyway,我相信天朗應該唔會的!!
其實都諗左好耐,到底好唔好放低細佬,帶天朗去玩呢...因為細佬仲食緊媽媽奶嘛...如果離開佢幾日,一來肯定會心掛掛啦,二來又要日日pump奶,keep住奶量,等到番黎的時候,可以繼續餵奶!! 雖然係麻煩左d,不過,我都真係好想俾天朗有幾日,100%的爸爸+媽媽,因為自細佬出世以來,佢成日都要陪我o係屋企,冇咩得出去玩! 所以,今次旅行會係對天朗的小小補償+獎勵,因為佢真係一個好哥哥..so far細佬出世以來,佢都好鍚細佬...亦都當係天朗的兩歲生日禮物啦!!
天朗將會使用的第一張機票!!
希望我地可以有個平安,開心的新加坡之旅...而細佬都會乖乖,同婆婆好好合作啦!!
2009年10月23日 星期五
2009年10月13日 星期二
天朗人生第一次interview
13 Oct 2009~天朗人生第一次interview
呢幾日,天朗已經有d咳,食左西藥,又食過猴棗散,都未好番! 今朝,仲開始流鼻涕添...所以佢心情都麻麻,好容易發忟憎!!
話說,今日準備同佢換衫,出門口去interview...點知佢唔肯換,喊哂口咁,要婆婆抱...我o個一刻心諗,咁點去interview呢??
跟住,開始慢慢氹佢,俾餅乾佢食,佢先肯換衫...然後跟我出門口!!
今日的interview look
不過,呢幾日佢都好扭抱...媽媽日日抱細佬都已經抱到手軟架啦...今日仲要抱佢...點都唔肯落地自己行...好彩好快去到!
入到去幼稚園,因為有人in緊,我地o係門口等,點知天朗話要走,想去開門,係咁o係度" No May!!" (最近的口頭禪,佢其實想講No Way! 哈哈!!)
於是,我唯有不斷同佢講野,叫佢望下呢樣,睇下o個樣,引開佢注意力! 過左一陣,到我地入去校長室啦!!
天朗同校長say左個hello,就想調頭走,又大叫" No May!!" 好彩校長個枱頭放左幾本書,之後俾d書佢睇,佢先肯乖乖同我一齊坐定定!
當佢睇睇下本書,見到個英文字有H,就同我講"H", 校長就話,你咁叻o既! 跟住我話:係呀,基本上佢都認到A-Z,咁校長就問我係咪有o係屋企教佢...我話係呀..有同佢睇書同埋唱下歌! (呢個時候,天朗睇完o個幾本書,已經自己走左出去!)但係佢俾我的反應係,佢好似唔應該咁早識咁!! 哈哈! 跟住佢話有d小朋友會因為過早學英文,因而偏重左,變左學習中英文唔平均..學中文學得唔好! 佢話佢地幼稚園會教佢地中文先,遲d先學英文,再進一步先學普通話! 又大概講下學校的教學方法,功課多唔多,問下邊個湊佢,識唔識自己筆野食,戒左片未...都係好似好casual咁傾計...11月會知收唔收!
到我番出去的時候,見到天朗走左去睇人地上堂...個書記姐姐話佢已經參觀左成間學校一次...哈哈!!
跟住同校長講bye bye時..佢仲讚媽媽一d都唔似o岩o岩生完....我話:係呀,因為我餵人奶,所以修身會快d...哈哈!!
之後,仲同天朗去公園玩左一陣,先番屋企!!
好彩冇俾人見到你呢個樣咋...如果唔係,肯定唔收你呀..哈哈!!
阿仔,
今日雖然唔係in你,其實係in媽媽,不過,媽媽突然間覺得,你長大了..要番學了...時間好似過得好快咁呀! 雖然你已經做左哥哥,但係其實你仲係好細個架咋!!
我知道媽媽最近少了時間陪你,同你玩,又對你有不同的要求,有時確實難為了你!畢竟你只係一個兩歲都未夠的哥哥! 雖然你現正處於terrible two的階段,成日唔聽話,一唔鍾意就坐o係地,發脾氣,或者大叫" No May!!" 有時,真係激c媽媽...不過,爸爸成日都話,你已經算係乖架啦!! 唔知呢...我唔會將你同其他人比較,因為無論你乖唔乖,你永遠都係媽媽的心肝寶貝!! 同埋,好感恩的係..你好錫細佬...只要你地兩個乖乖,和睦相處,媽媽已經覺得好好啦!!
仲有,幼稚園只係你學習生涯的一個小小開始,所以,爸爸媽媽冇為你報什麼特別的學校,唔想你山長水遠去番學,我地唔係要你好叻好叻,唔係要你學好多野,爸爸媽媽只係希望你可以每日開開心心咁番學..好似你個名咁...做個開朗活潑的小孩子!!
為左彌補最近你得番二份一個的爸爸+二份一個的媽媽,我地決定o係你兩歲生日,帶你搭飛機,去旅行,給你幾天100%屬於你的爸爸媽媽!!雖然仍在計劃中,不過應該可以去得成的!! 因為媽媽都好期待....搭飛機呀!! 哈哈!!
好耐冇坐飛機的媽媽 上
呢幾日,天朗已經有d咳,食左西藥,又食過猴棗散,都未好番! 今朝,仲開始流鼻涕添...所以佢心情都麻麻,好容易發忟憎!!
話說,今日準備同佢換衫,出門口去interview...點知佢唔肯換,喊哂口咁,要婆婆抱...我o個一刻心諗,咁點去interview呢??
跟住,開始慢慢氹佢,俾餅乾佢食,佢先肯換衫...然後跟我出門口!!
今日的interview look
不過,呢幾日佢都好扭抱...媽媽日日抱細佬都已經抱到手軟架啦...今日仲要抱佢...點都唔肯落地自己行...好彩好快去到!
入到去幼稚園,因為有人in緊,我地o係門口等,點知天朗話要走,想去開門,係咁o係度" No May!!" (最近的口頭禪,佢其實想講No Way! 哈哈!!)
於是,我唯有不斷同佢講野,叫佢望下呢樣,睇下o個樣,引開佢注意力! 過左一陣,到我地入去校長室啦!!
天朗同校長say左個hello,就想調頭走,又大叫" No May!!" 好彩校長個枱頭放左幾本書,之後俾d書佢睇,佢先肯乖乖同我一齊坐定定!
當佢睇睇下本書,見到個英文字有H,就同我講"H", 校長就話,你咁叻o既! 跟住我話:係呀,基本上佢都認到A-Z,咁校長就問我係咪有o係屋企教佢...我話係呀..有同佢睇書同埋唱下歌! (呢個時候,天朗睇完o個幾本書,已經自己走左出去!)但係佢俾我的反應係,佢好似唔應該咁早識咁!! 哈哈! 跟住佢話有d小朋友會因為過早學英文,因而偏重左,變左學習中英文唔平均..學中文學得唔好! 佢話佢地幼稚園會教佢地中文先,遲d先學英文,再進一步先學普通話! 又大概講下學校的教學方法,功課多唔多,問下邊個湊佢,識唔識自己筆野食,戒左片未...都係好似好casual咁傾計...11月會知收唔收!
到我番出去的時候,見到天朗走左去睇人地上堂...個書記姐姐話佢已經參觀左成間學校一次...哈哈!!
跟住同校長講bye bye時..佢仲讚媽媽一d都唔似o岩o岩生完....我話:係呀,因為我餵人奶,所以修身會快d...哈哈!!
之後,仲同天朗去公園玩左一陣,先番屋企!!
好彩冇俾人見到你呢個樣咋...如果唔係,肯定唔收你呀..哈哈!!
阿仔,
今日雖然唔係in你,其實係in媽媽,不過,媽媽突然間覺得,你長大了..要番學了...時間好似過得好快咁呀! 雖然你已經做左哥哥,但係其實你仲係好細個架咋!!
我知道媽媽最近少了時間陪你,同你玩,又對你有不同的要求,有時確實難為了你!畢竟你只係一個兩歲都未夠的哥哥! 雖然你現正處於terrible two的階段,成日唔聽話,一唔鍾意就坐o係地,發脾氣,或者大叫" No May!!" 有時,真係激c媽媽...不過,爸爸成日都話,你已經算係乖架啦!! 唔知呢...我唔會將你同其他人比較,因為無論你乖唔乖,你永遠都係媽媽的心肝寶貝!! 同埋,好感恩的係..你好錫細佬...只要你地兩個乖乖,和睦相處,媽媽已經覺得好好啦!!
仲有,幼稚園只係你學習生涯的一個小小開始,所以,爸爸媽媽冇為你報什麼特別的學校,唔想你山長水遠去番學,我地唔係要你好叻好叻,唔係要你學好多野,爸爸媽媽只係希望你可以每日開開心心咁番學..好似你個名咁...做個開朗活潑的小孩子!!
為左彌補最近你得番二份一個的爸爸+二份一個的媽媽,我地決定o係你兩歲生日,帶你搭飛機,去旅行,給你幾天100%屬於你的爸爸媽媽!!雖然仍在計劃中,不過應該可以去得成的!! 因為媽媽都好期待....搭飛機呀!! 哈哈!!
好耐冇坐飛機的媽媽 上
2009年10月10日 星期六
7 Oct 09~兩個月打針
7 Oct 09~兩個月打針
今日係細佬番健康院打針的日子!!
一去到,媽媽先入餵奶房餵飽細佬,然後磅重~7.43 kg,wow勁呀,已經有成16.3lb啦,身長60.5cm,姑娘話佢兩樣都超標,要見左醫生先打針!! oh.....咁誇張!!
之後繼續等...等...然後打針房姑娘叫名,佢話因為排隊見醫生條隊好長,所以俾我地打左針先....於是細佬肥美的雙脾被拮針,右脾係4合1,左脾係肺炎球菌,一拮落去,細佬當然大喊啦...但係,細佬好叻叻,未出打針房,已經收左聲啦! 陪我地一齊去的阿e,都話細佬好叻呀!!
跟住,又繼續等見醫生, 醫生摸下細佬頭仔,聽聽心跳,摸下肚仔,都話細佬一切正常,冇問題呀...只係食人奶係會重磅d...遲d 6個月開始食其他野,就會回復正常啦喎!! 哈哈!!
不過,媽媽真係估唔到...細佬的體重增長咁快...果然係超大隻B呀!!
天朗: 細佬,你今日俾人拮針針咁慘,等哥哥鍚番你啦!!
好無奈的細佬
今日係細佬番健康院打針的日子!!
一去到,媽媽先入餵奶房餵飽細佬,然後磅重~7.43 kg,wow勁呀,已經有成16.3lb啦,身長60.5cm,姑娘話佢兩樣都超標,要見左醫生先打針!! oh.....咁誇張!!
之後繼續等...等...然後打針房姑娘叫名,佢話因為排隊見醫生條隊好長,所以俾我地打左針先....於是細佬肥美的雙脾被拮針,右脾係4合1,左脾係肺炎球菌,一拮落去,細佬當然大喊啦...但係,細佬好叻叻,未出打針房,已經收左聲啦! 陪我地一齊去的阿e,都話細佬好叻呀!!
跟住,又繼續等見醫生, 醫生摸下細佬頭仔,聽聽心跳,摸下肚仔,都話細佬一切正常,冇問題呀...只係食人奶係會重磅d...遲d 6個月開始食其他野,就會回復正常啦喎!! 哈哈!!
不過,媽媽真係估唔到...細佬的體重增長咁快...果然係超大隻B呀!!
天朗: 細佬,你今日俾人拮針針咁慘,等哥哥鍚番你啦!!
好無奈的細佬
2009年10月9日 星期五
訂閱：
文章 (Atom)