7 Oct 09~兩個月打針

7 Oct 09~兩個月打針

今日係細佬番健康院打針的日子!!

一去到,媽媽先入餵奶房餵飽細佬,然後磅重~7.43 kg,wow勁呀,已經有成16.3lb啦,身長60.5cm,姑娘話佢兩樣都超標,要見左醫生先打針!! oh.....咁誇張!!


之後繼續等...等...然後打針房姑娘叫名,佢話因為排隊見醫生條隊好長,所以俾我地打左針先....於是細佬肥美的雙脾被拮針,右脾係4合1,左脾係肺炎球菌,一拮落去,細佬當然大喊啦...但係,細佬好叻叻,未出打針房,已經收左聲啦! 陪我地一齊去的阿e,都話細佬好叻呀!!

跟住,又繼續等見醫生, 醫生摸下細佬頭仔,聽聽心跳,摸下肚仔,都話細佬一切正常,冇問題呀...只係食人奶係會重磅d...遲d 6個月開始食其他野,就會回復正常啦喎!! 哈哈!!

不過,媽媽真係估唔到...細佬的體重增長咁快...果然係超大隻B呀!!


天朗: 細佬,你今日俾人拮針針咁慘,等哥哥鍚番你啦!!

好無奈的細佬