今日,日朗細佬4個月大了...前陣子開始慢慢減少埋身的次數,等細佬習慣下用奶樽,繼而再慢慢減少泵奶的次數...希望可以做到慢慢回奶,唔使谷得咁辛苦!! 因為上次餵天朗收奶時,痛苦的經驗仍然記得清楚!!
打從第一天決定做奶媽開始,已經知道這條路,是一點不容易的,比起上一次,今次聽到那些令人沮喪的說話,聽得少了!
因為今次是我媽陪我坐月,加上已經不是第一次,所以她也十分支持我.其實,如果沒有了她,沒有她照顧天朗,我根本冇可能全心餵細佬媽媽奶,沒有她照顧我,
每天煮飯煲湯給我,我便沒有足夠奶水供給細佬,以致令他這麼長肉!! 這段日子,真的辛苦了她啦!!
當奶媽的路是孤單無援的,因為你不能假手於人,只有靠自己,其他人最多只可以幫幫手掃風! 不過,其實今次要餵細佬食媽媽奶,真係唔係想像中咁容易,開頭以為有了上次的經驗,今次會比較得心應手...不過,原來唔係想像中咁簡單,new born時,因為黃疸指數高,要入醫院,先至發覺細佬食得唔夠,開始擔心唔夠佢食...於是媽媽便密密食,勤力餵,以確保有足夠奶奶俾細佬!! (結果,而家攪到肥左好多,又大食左好多...點算..實在唔想再見到自己咁肥呀!!個個見到我,都話我肥左好多,個感覺確實真係唔好受...唔得呀...要減肥修身啦!!!!
不過,為左阿仔的健康,冇計啦...唯有犧牲下自己的身體...原先立定決心,以為可以餵足細佬4個月...不過後來因為工作安排,再加上要同時兼顧照顧天朗,真係有一定程度的困難....所以不得不放棄了...雖然呢幾個月期間,真係有好多次覺得好辛苦,好攰,塞奶,好想放棄,但係為左細佬,真係一次又一次咁捱過左!! 每次當感到辛苦失落的時候,就上BK母乳餵哺討論區支取正能量,搵下解決方法,以幫助自己可以繼續堅持下去!!!
細佬,
幸好,我的努力沒有白費...這幾個月的你可以健健康康,肥肥白白的長大...希望這幾個月給你的營養,抗體,可以幫助你繼續健康成長!!
雖然是辛苦,困身,無助,暴肥,但係相比起跟你那種親密的母子接觸,和相處,這些都算不得什麼,更何況這應該是媽媽最後一次有這種感受了!! 細佬,多謝你,多謝你給我這個機會,讓我可以再次享受餵哺母乳的感覺! 其實,你跟哥哥一樣,都很疼鍚媽媽,因為你倆都在一個半月大的時候,便自己戒掉夜奶,讓媽媽不用半夜三更爬起身餵夜奶,可以多訓呢幾個鐘頭,真係好好多呢!!
可是,細佬你實在係太厲害了,你的食量真的驚人,所以今次媽媽回奶都好辛苦呀..已經過左個多星期了...都仲未完全回奶呢,不過比起之前幾日,又硬又痛,已經好左好多啦!! 再加上,你20 lb的身軀,令到媽媽不單抱你抱到手軟,而且腰酸背痛,人家說,坐月子坐得好,可以順道醫好腰背痛,可是,這不是我呢! 因為要同時照顧你兩兄弟,加上間唔中做下家務,(因為我是個不能接受家裡亂七八糟,污糟蹋的人!所以,明知道自己有時不應這麼勞動,也忍不住手呢!)結果,腰背痛現在仍然是我的朋友,所以,媽媽現在盡量不多抱你,寧願放你坐著,跟你玩耍,希望你唔會唔開心啦!!
好快,媽媽便要重投工作,不能天天陪著你和哥哥啦!!
喜歡天天看你笑臉,聽你笑聲的 媽媽上
沒有留言:
張貼留言