虎年進步!!!

羅氏一家用 "自家制揮春by朗爸爸"

祝大家 ......
結左婚的~3年抱倆
周圍飛的~出入平安
拍緊拖的~相親相愛
做生意的~恭喜發財
各小朋友~快高長大

最緊要人人都 ~ 身體健康、常常喜樂、
主賜平安、福杯滿溢!!

 

 

 

 

仲有....情人節快樂呀!!!! 

NOT a simple day...actually

話說媽媽放大假,加上婆婆要幫公公手開工,所以呢兩日,

都只係媽媽一個人湊住佢地兩個,仲要煮埋野食俾佢地+自己食....

因為始終唔想俾阿仔食咁多外賣+can food...

所以呢兩日媽媽都煮左ABC粉+蘋果蓉米糊俾天朗+日朗享用.

看似簡單,但對媽媽o黎講,其實真係唔簡單呢....

因為要快手,又要天朗乖乖,日朗唔喊,先可以順利完成呢!! 嘻嘻!!

磨蓉磨到我呢....幾攰....再加上細佬呢兩日訓晏覺都訓唔lum,

要媽媽抱住先肯訓,所以手都斷! 可能因為打左針,所以有d扭計!

不過,當見到細佬食得好開心,大啖大啖咁食哂...真係好滿足!!

呢個細佬...真係一個好為食的bb.....

Download:

FLVMP43GP

細佬6個月健康院檢查+行年宵

10 Feb 2010

細佬6個月大,又係時候返健康院打針啦!!
今日,仲要拮3針呢!!! 左脾兩針,右脾一針,陰公law....

爸爸今日仲請左全日假陪我地去,加上因為婆婆好忙碌,
所以我地帶埋哥哥一齊去tim...

首先,磅重9.66kg, 體重仍然超標, 
身長71cm,未有超標,不過都排生長線九十幾,
兩者加埋,姑娘話都ok,唔算太過份!! 哈哈...

細佬好叻仔呀..爸爸話佢打完一針,仍然面不可容,到打第二針,枝針粗d,可能有d痛,先開始喊呢....到打完之後,都只係喊左一陣...好快冇事啦!!

打完針,我地去左食個tea,然後仲o係附近行左一轉年宵!!

我地成功.....冇買任何野....哈哈哈!!

天朗搗蛋實錄

6 Feb 2010

現正處於TROUBLE TWO的天朗哥哥...而家間唔中都會發下脾氣,鬧下情緒!!

話說,呢日..天朗食食下餅,唔知做咩發脾氣,掉哂d餅落地...

於是,媽媽同佢講:你曳曳,媽媽唔睬你呀!!

之後,媽媽冇理佢,走左入廚房洗奶樽,洗洗下,

聽到佢慘叫:媽咪呀..媽咪呀..不斷咁叫媽咪呀..媽咪呀!

但係,我洗緊奶樽,望到佢企o係梳化上,我以為係有什麼昆蟲飛左入屋...

洗完奶樽出去,就見到呢個情景啦!!

 o個一刻...真係....唔知點講...

跟住我入房拎相機,諗住影低俾爸爸睇下...

天朗見到我影佢,講左句:媽咪,唔好影相啦!!

哈哈哈...o個一刻,我真係笑左出黎...

之後,就梗係開始清理現場啦!!!

A Simple day

媽媽今個月放大假.....只係番一日工...又可以全天候o係屋企湊仔...

聽落好似好正咁...其實真係好似仲攰過番工...因為番工都話有放工的一刻...

但係o係屋企湊住佢地...真係冇咩得休息...除非佢地兩個可以一齊訓覺覺豬,

不過,有時都要趁佢地覺覺豬,拿拿聲做下家務...因為唔知佢地會幾時訓醒!

如果有時一個唔好彩,佢地訓覺的時間夾唔到,咁就可能會一個訓,一個醒,

又或者有時會互相噪醒....哈哈!!

雖然係辛苦,係攰,不過可以o係屋企對住佢地都開心的,當佢地乖乖地,唔曳曳時,

或者係見到佢地的笑臉的時候!!

而家,多數婆婆陪我地食完個brunch,就會番屋企,因為臨近新年,好多野要做!

所以,由下午到晚上爸爸番來之前,都係媽媽一個睇兩個...

有時同佢地玩下玩具,有時同佢地睇下DVD,有時同佢地影下相,仲有要同哥哥拼命,

整佢訓午覺...時間會過得好快...不過有時都可以好攰呢!!

齊齊食@沙田

4 Feb 2010

今日,有婆婆陪我地,所以有得出街街啦!!!

首先,去左snoopyland 玩下先.....

天朗第一次sir o個條又長又密封形式的滑梯...
媽媽諗住試下叫佢sir,估佢會唔敢sir,點知佢又夠膽自己sir喎!!
sir完出黎,仲好開心咁笑..哈哈...真係估佢唔到!!

周圍跑跑跳跳....

之後,過左一田,諗住試下俾細佬o係呢度食下baby food...

結果,哥哥又食埋一份...哈哈...

d 公仔都幾靚!!!