天朗搗蛋實錄

6 Feb 2010

現正處於TROUBLE TWO的天朗哥哥...而家間唔中都會發下脾氣,鬧下情緒!!

話說,呢日..天朗食食下餅,唔知做咩發脾氣,掉哂d餅落地...

於是,媽媽同佢講:你曳曳,媽媽唔睬你呀!!

之後,媽媽冇理佢,走左入廚房洗奶樽,洗洗下,

聽到佢慘叫:媽咪呀..媽咪呀..不斷咁叫媽咪呀..媽咪呀!

但係,我洗緊奶樽,望到佢企o係梳化上,我以為係有什麼昆蟲飛左入屋...

洗完奶樽出去,就見到呢個情景啦!!

 o個一刻...真係....唔知點講...

跟住我入房拎相機,諗住影低俾爸爸睇下...

天朗見到我影佢,講左句:媽咪,唔好影相啦!!

哈哈哈...o個一刻,我真係笑左出黎...

之後,就梗係開始清理現場啦!!!