媽媽今個月放大假.....只係番一日工...又可以全天候o係屋企湊仔...
聽落好似好正咁...其實真係好似仲攰過番工...因為番工都話有放工的一刻...
但係o係屋企湊住佢地...真係冇咩得休息...除非佢地兩個可以一齊訓覺覺豬,
不過,有時都要趁佢地覺覺豬,拿拿聲做下家務...因為唔知佢地會幾時訓醒!
如果有時一個唔好彩,佢地訓覺的時間夾唔到,咁就可能會一個訓,一個醒,
又或者有時會互相噪醒....哈哈!!
雖然係辛苦,係攰,不過可以o係屋企對住佢地都開心的,當佢地乖乖地,唔曳曳時,
或者係見到佢地的笑臉的時候!!
而家,多數婆婆陪我地食完個brunch,就會番屋企,因為臨近新年,好多野要做!
所以,由下午到晚上爸爸番來之前,都係媽媽一個睇兩個...
有時同佢地玩下玩具,有時同佢地睇下DVD,有時同佢地影下相,仲有要同哥哥拼命,
整佢訓午覺...時間會過得好快...不過有時都可以好攰呢!!
沒有留言:
張貼留言