ManFish MaMa: 4月 2010

2010年4月16日星期五

0711朋友仔@playtown

6 Apr 2010

復活節假期的最後一日,我地約左幾個朋友仔一齊去PLAYTOWN玩...

結果呢4個大男孩喪玩左3個鐘....一D都唔攰咁喎....
難為我地幾個大人,陪佢地上上落落!!

雖然細佬未識得跑跑跳跳....不過佢都玩得好開心呀!!!

玩完之後,大家一齊食埋晚飯...就返屋企了...
好玩真係好玩o既...不過真係好遠呀!!

爸爸生日快樂~細佬造型照

3 Apr 2010

兩年前,媽媽生日那天,帶左天朗去影造型照...
(造型相~合家歡時間
天朗造型相~小rock友
天朗造型相~性感小天朗

天朗造型相~消防員

天朗造型相~小廚師)

今年我地選擇在爸爸生日這天,帶細佬影...

嘻嘻....其實一睇就睇得出,邊個係包包細佬啦...哈哈!!

小肥廚師~日朗

wow....肉照.........

好鍾意呢d家庭相....

球王~日朗

壓軸登場~~消防日朗!!!

影到後期,唔知係咪玩到攰,細佬心情開始麻麻...不過都尚算順利咁完成!!
可能因為細佬肥嘟嘟,好得意,所以大部份影出黎的相都ok,
結果我地就加左$300,連埋package 三百幾,結果六百幾銀,要晒100張相!!

2010年4月12日星期一

經過兩日Sydney精華遊,係時候番香港了....

去程班機唔full,所以爸爸+天朗可以好順利,一早confirm上到機...

但係,回程班機好full,所以爸爸+天朗要到機場standby,等下,睇下最後有冇位剩,
先知可唔可以上到機....最後o係Sydney地勤同事+我班機Manager幫忙下,爸爸+天朗可以順利咁同媽媽同一班機番香港,唔使滯留Sydney,真係好感恩呢!!!!

如果唔係,爸爸就慘啦...因為後來爸爸講番俾我知,o係機場,因為我要先上機準備,
所以唔可以陪佢地一齊等,爸爸話我一走左,天朗就喊,話要跟埋我去,可能加上因為一早俾我地叫醒左,心情又唔多好啦,所以o係機場度大叫大喊,個個都望住佢,走黎問佢做咩呢?! 所以,我真係唔敢想像,如果佢地上唔到我o個班機,要等幾個鐘等下一班機,會係點呢?!?!

不過...一上機就係爸爸的惡夢開始呢....因為boarding gate出面,天朗見到有野玩...唔肯上機,但係因為夠鐘,所以冇得玩...爸爸只好抱住佢上機,上到黎,都仲係咁講:天朗要玩,天朗搭飛機左啦!天朗唔搭飛機呀! 跟住係咁喊...一直到take off ,仲喊到嘔,嘔到成身都係..攪到爸爸好輪盡呢...因為媽媽只有預備spare 的衫,冇褲...結果,媽媽做完野,仲要o係廁所幫佢洗番乾淨條褲,然後等佢吹番乾,等天朗落機有褲著!!

之後,爸爸又要全程抱住佢訓覺...抱到手都痺晒呢!!

相信經過今次之後,爸爸應該唔會再帶住天朗跟埋媽媽一齊坐飛機啦...哈哈!!
因為o係機上得佢一個take care天朗,真係好辛苦呢!!