4週年SYDNEY之旅~出發篇

4週年SYDNEY之旅~出發篇

自2006年結婚後,每年的結婚紀念,我地都會去旅行,
所以,每年我都會選擇這段日子放年假,
(因為我地要一早決定下一年的年假想幾時放,例如2009年9月決定2010年的年假,
然後就要bid,睇下好唔好彩,好彩的話,就會俾你bid到,
唔好彩的話,就會被auto assign,即係冇得揀!)

不過,今年我揀左農曆新年同8月尾(因為諗住幫天朗準備返學),分兩次放我的年假!
所以,今年冇得o係結婚週年紀念的日子放假去旅行啦....
因此,今年只好辛苦d一邊返工一邊去玩啦...
加上爸爸工作最近十分忙碌,唔可以請咁多假,
結果,我地就去左個weekend Sydney Trip!

出發啦>>>>>>>

一個星期前,已經同天朗講帶佢坐飛機去Sydney....
之後o個幾日,每次問親佢你去邊度玩呀?
佢就會笑住咁答:我去Sydney呀/天朗坐飛機去Sydney呀!!唔使驚架!
好攪笑....

o係機場玩到唔捨得上機!!

因為媽媽要做野...所以大部分時間都係爸爸睇住天朗...

不過,到左訓覺時候,天朗始終都係要搵媽咪...

好彩咁o岩o個時係我可以休息的時間,加上機艙熄晒燈,

所以,可以靜雞雞坐佢隔離tum佢訓覺!!

結果,差唔多9個鐘的機程,我估天朗訓左大約3個鐘,一直到落機先醒!
不過,辛苦爸爸了...因為佢個位俾天朗訓埋...所以佢只可以好辛苦咁坐!

Sydney...we're coming!!!!
4週年SYDNEY之旅~Day 1

4週年SYDNEY之旅~ Day 2

4週年Sydney之旅~回港篇