12 Mar 08
bebe豬,
今日係你4個月大的日子啦..媽媽同爸爸出左街食飯,慶祝下先,不過你冇份食住呀...你食住奶奶先啦! 等你大個仔,就可以同我地一齊食啦!! 嘻嘻!!
今日,你好乖乖呀...媽媽先去到坐低,同你開餐先,你好叻叻呀!只消10分鐘,便將180ml奶奶食得乾乾淨淨啦! 真抵鍚呀!!
因為,你要知道呀,你好多時食奶奶,都食好耐架!所以,今日媽媽真係要讚下你先得呀!!
不過,你都為我地加料呀...正o係媽媽爸爸輪流抱住你,輪流食o野的時候,你竟然製作"黃金糕",於是媽媽就要放下筷子,同你去廁所換片片啦! 今日,都係媽媽第一次同你o係商場洗手間換片片呢!
媽媽發覺o個塊板板都唔係好夠大呢...遲d你再大d,咁點算呀!仲有,你已經學會轉來轉去呢..雖然你仲未識轉身...不過媽媽相信你遲d好快就會識轉身呢!! 你要繼續健健康康,快高長大呀!!
永遠愛你的媽媽 字
你飲奶奶,媽媽飲珍珠奶茶! 嘻嘻!
開心笑 連環圖
食飽飽 我地返屋企啦!
o係回家途中,你已經不知不覺在媽媽懷中zzz.....
沒有留言:
張貼留言