37週~健康院檢查

10 July 2009
37週~健康院檢查

今日,去完健康院檢查, 諗住睇番上星期寫的blog,睇下自己重左幾多,oh...點知原來我係冇寫上星期36週的健康院檢查喎!! 哈哈....

從36週開始,就要一星期檢查一次,今日重62.3kg...都ok呀...不過俾醫生按到我個肚有d痛,佢話bb都係一切正常呀,size正常,位置都ok,頭仔已經落左少少去盤骨了!!

媽媽個肚愈來愈重,條腰愈來愈痛呢!! 細佬,唔知你會幾時出來呢??  媽媽最近都開始有點緊張,成日發夢你要出世啦!!

我地要加油呀....願天父繼續保守你,平平安安,健健康康!!