訓唔著

唔知點解,最近都唔係好訓得著...明明係好攰,好需要訓覺的,但係,訓上床之後,總係唔係好舒服,訓唔到!!

眼見佢地兩父子訓到好似豬咁,自己明明好需要休息,好需要訓覺,就偏係訓唔到,真係好無奈!! 

想嘔想嘔的感覺最近又有番啦...個肚愈來愈頂,細佬愈來愈重,加上佢間唔中開始練習宮縮,個肚好硬,令到我覺得好辛苦呢...加上條腰同對腳都好攰呀!!

諗番起上次懷著天朗時,同今次的待遇真係差好遠呀.上次老公會好緊張,好關心...成日幫我massage,等我唔使咁辛苦,但係今次.....oh sorry....好難啦!! 可能始終多左天朗,要照顧住佢,可能已經好攰啦...所以都冇咩時間,精神去take care or 關心我呢個大肚媽媽啦!!  成日見到佢好攰,好眼訓咁...我都知佢日日番工,每星期只係放一日假,會好攰,好辛苦...但係我有時都會諗,點解佢好似仲攰過,我呢個日日陀住6磅幾,照顧住19個月大的天朗的大肚媽媽o既??!! 我知道冇得咁樣比...唉...我係咪好似o係度投訴緊呢??!! 可能係啦....哈哈!! 不過,點樣投訴都冇用架啦.......因為.....係冇用架law!!

希望我自己頂得住啦!! 細佬,我地一齊加油啦....好嘛?!