超爽的媽媽+天朗

14 July 2009

為左迎接酷熱的坐月生涯,媽媽決定要在細佬出世之前,再剪短d頭髮,因為媽媽實在好怕熱!! 而天朗d頭髮又長左好多,所以,媽媽決定帶埋天朗一齊去剪!!

其實,應該係媽媽剪左先,然後婆婆帶天朗來會合媽媽,然後剪髮! 點知,天朗來到的時候,媽媽仲未剪,於是,媽媽便請髮型師叔叔,先幫天朗剪,因為唔想佢o係度等咁耐! 但係,天朗不停郁,唔肯坐定定! 於是,髮型師叔叔提議不如幫佢"剷"頭,oh...唔係卦,媽媽只係諗住幫佢修短d架咋喎!!!

開頭,媽媽係say no的,因為媽媽怕接受唔到呢!! 但係,之後,婆婆都話好,因為佢話天朗咁怕熱,而家夏天,剪短d怕咩呀?! 到冬天時咪留番長law....就係咁....髮型師叔叔拎位個"刨"....chit...chit..chit....媽媽眼前出現的,就係呢個耳目一新的天朗啦!!!

被剷完頭的天朗,就由婆婆帶番屋企洗白白...然後到媽媽剪頭髮啦!!
髮型師叔叔問左媽媽一句,係咪剪短d呀? 媽媽話係呀...於是個頭就交左俾髮型師叔叔話事啦!!  哈哈....就係咁....就變左個好man的媽媽啦!!!

爸爸番到o黎...好surprise呀...話唔認得天朗啦...哈哈...又話媽媽個頭同佢差唔多短啦....然後媽媽話,可能我d頭髮而家仲短過你呢!! 哈哈哈!!! 不過,唔緊要啦....相信媽媽d頭髮好快會長番呢!! 因為天氣真係太熱啦...而家咁真係好爽呢!!! 嘻嘻!!


15.7.2009

今日,o係屋企,無無聊聊,被媽媽捉住勁玩自拍!!! 哈哈!!

爸爸放工番到黎,同爸爸玩到顛哂,好開心!!!