天朗的近況

自從細佬出世之後,天朗就日日o係屋企陪媽媽坐月....好少有得出街...最多只係星期日返下教會....就算而家過左一個月...情況都係差唔多,因為只有婆婆+媽媽照顧兩個,本來應該係冇問題的...不過,細佬始終仲係細,加上佢而家食人奶的情況仲未好定時,所以,要出街真係有一定難度!! 再加上天朗哥哥,現在處於非常活躍的階段,帶佢出街真係少d體力都唔得!! 所以,而家唯有繼續日日陪媽媽留o係屋企...好鬼悶呢!!

天朗,

對唔住呀....媽媽都知道要你成日留o係屋企,係好悶呢...冇得好似之前咁...媽媽成日帶你周圍去..因為你係一個好開心活潑的小朋友嘛..你等下啦...等細佬遲d大個d...我地就可以重出江湖....四周圍去玩啦!!!

不過,你要乖d先得喎...最近,你真係愈來愈唔聽話,好鬼百厭呢...可能係因為大家的注意力有少少轉移左去細佬度,又可能係因為你正邁向naughty two的階段!! 我知道媽媽近來鬧你多左,又會打下你,因為你真係好唔聽話呢... 愈叫你唔可以做的事情,你愈係要做!!媽媽都知道,你會好難受,而且媽媽都知道我少左好多時間理你,陪你....因為媽媽成日都要餵細佬食奶奶,真係好攰呢!! 不過,媽媽都好安慰的係你好鍚細佬,冇話因為佢的出現,而嫉妒佢!! 你真係好抵鍚!!

(除左你曳曳,發脾氣的時候!)

希望遲d媽媽+細佬都適應左...咁我地就可以去多d街街,等你冇咁悶啦!!

媽媽 上