8月1出生的8磅1

媽媽: 多謝哂大家的祝福&問候呀!!!! 細佬果然係要選擇8月先出世,唔要同媽媽同一個月份生日呢,要同阿紫妹妹一齊做0908bb呢!!

遲d有時間...先再詳細紀錄番細佬的生產篇呀....睇住爸爸呢篇先啦!!

<<<<< Copy from BaBa's blog>>>>>

7月31踏正預產期的清晨, 細佬選擇了最理想的方式(陣痛@15min)通知我們他要出來了。 (見紅 or 穿水都比較麻煩; 陣痛較易掌握, 而且夠時間準備)

我快快去買早餐, 吃飽, 到 facebook/blog 留個口訊給大家, call 的士, 出發去醫院。

 

大約8點幾到達醫院, 辦好入院手續, 換好衫, 買定報紙 ......... 餘下可以做的就是等&記錄陣痛時間。

 好悶

 (有人探 我地)

等呀、等呀、等呀 ....... 由早餐到午餐到晚餐到消夜, 細佬還未有動靜, 陣痛@10min, 子宮未開 (大家都等到好悶)

期間我們有想過是否細佬 "報假案",  但作為一對已有經驗的父母, 可以肯定陣痛是真的, 只是距離生得還很遠。 所以結論是 >> 細佬是個慢吞吞B  &  他想8月份生日

踏入子夜時份, 該不該走呢 ?? 通常睇戲的情節是: 唔走就有排等; 一走就即刻生得趕不及回來。那我當然不走

8月1清晨, 細佬開始發力了,  陣痛加密加劇, 子宮漸開。

我們問姑娘:「 現在落產房了 ??」

姑娘答:「 不如食埋早餐先落啦 !!」

well ...........

終於, 1-Aug 09, 9:29am, 日朗細佬順利出世, 8磅1順產, 母子平安。 多謝大家的關心&代禱 !! 

P.S. 最緊張 / 驚險的生產環節, 留待MaMa寫好了。

似邊個 ?? 和天朗哥哥同一個餅印: