細佬要留院照燈

今日,係第一次帶細佬番健康院呀...點知....check左佢的黃疸指數好高...見完姑娘,再見醫生,醫生話要出那打素醫院抽血驗清楚....結果,我地5點去到醫院.攪完一輪手續,大概6點鐘,媽媽睇住細佬...俾姑娘拮腳板,喊得好厲害,而眼淺的媽媽聽到細佬喊得聲嘶力竭,真係心到痛晒...又喊埋一份!

跟住要等兩個鐘頭,先出報告.....餵左細佬食奶奶,我就同爸爸去食飯,再番上去等結果!! 到左大約8點...報告出左...細佬的黃疸指數真係好高,所以要留o係醫院照燈!!

睇住佢被姑娘戴上眼罩,放o係張床度,幾盞燈係咁照住佢...真係好心痛呢!! 

希望細佬的黃疸可以快d退,可以快d番屋企啦!!!