細佬的進展

上回講到細佬面黃,經過幾日..日日home leave,再番醫院抽血,終於過左5日,可以"出院"! 之後,到上星期三(12/8),再去健康院check,黃疸度數都係同出院時差唔多,今個星期三(19/8),即係尋日,又再番健康院check, 結果黃疸度數都係退得好少,醫生同我講,問我想唔想去醫院抽血,check下細佬的肝有冇事,因為細佬都已經兩星期大有多,正常d黃疸應該已經退!不過佢又有話,如果細佬係全人奶,係會退得慢d! 再加上細佬個頭仔有個腫腫的,好似跌親起樓咁,其實係因為媽媽生細佬時,唔夠力(因為痛左廿幾個鐘冇訓過),所以唔小心逼親佢個頭仔,醫生話係有d瘀血積聚左,遲d會自然散! 而呢個地方又會令d黃疸退得慢d!!

唉...細佬,媽媽真係好對你唔住呢..攪到你個頭仔咁,令你d黃疸咁耐都唔退....不過,我尋日同醫生講,話想觀察多一個星期先,因為細佬d大小便ok,而且,體重增長好理想! 所以,我想睇多一星期先,唔想佢咁快又要俾人拮腳仔呢!!

細佬的體重~
8月1日出世時3.715kg,
8月5日收左水重3.57kg,
8月12日重4.01kg,
到尋日(8月19日)已經重4.42kg

姑娘話以全人奶b來講,佢重得好理想! 真係不枉媽媽咁辛苦日餵夜餵呀!! 只係可能因為咁,會令佢的黃疸得慢,所以,要麻煩d,每個星期番健康院check住...不過,為左細佬的健康,媽媽辛苦d都冇計啦!!

而家,只好希望佢的黃疸會快d退..退...退...唔好有其他事!!!

~~~細佬的相片~~~

Day 4

Day 8

Day 10

Day 11

Day 13

Day 15