見。細bee bee

27.6.2010

我地0711小朋友仔,又有一個做左家姐仔啦....佢就係Bee Bee啦!!

今日,我地終於約齊人馬,o黎見見細Bee啦!!見。


未去到...天朗已經不敵睡魔,要訓一陣先!!!

一場o黎到...由細佬幫下手...搗亂下先!!!

冇幾耐....天朗終於醒左...同班朋友仔一齊玩....

影大合照時...又到細佬要會一會周先生.....

不過....佢訓左一陣間....就已經醒左.....又再繼續玩過.....

細bee,歡迎你加入呀....祝你快高長大....快D識得同呢班哥哥姐姐一齊玩啦!!!

o係附近食完晚飯.....就要趕番屋企...睇英德大戰了.....

開心玩。會所

24.6.2010

今日,媽媽放假,約左同樣放假的Yvonne姐姐來我地樓下食lunch + 同朗兄弟玩!!
而為左見包包細佬一面的Kristen姐姐,都專程走來,同我地食lunch,然後趕返工...
真係多謝你地來陪我地呀!!!

屋企樓下有會所,有playroom,真係好方便!!



可以,讓他們自己周圍爬,周圍玩...也不怕....

細佬已經開始識得爬,有時自己玩,有時跟住哥哥...





總之,佢見到哥哥玩...佢就會好開心!!!

父親節

20.6.2010

今年,係第一次兩個仔陪你過的父親節!!!
雖然,我冇代佢地買禮物俾你...
不過,我已經送左兩個好活潑可愛的仔俾你啦...哈哈!!!!

食完父親節飯,返到屋企....又係時候....

wow.....two sexy boys......hahaha....

佢地一有得一齊沖涼...就好開心...因為有得一齊玩...嘻嘻!!!

日朗嬰孩奉獻禮

日朗嬰孩奉獻禮

(哥哥的>>6月29日 嬰孩奉獻禮)

6月13日,今日係細佬的嬰孩奉獻禮呀!!

在兒童室玩....

愈來愈古靈精怪,動作,表情多多.....

陳氏賢兄弟 + 羅氏朗兄弟 = 4 kings

o岩o岩出camp,趕過來的契媽!! 多謝你的禮物!!!

日朗收到好多禮物呀...番到屋企...諗住影下相....
點知...天朗係咁話要拆呀...好似佢仲開心過細佬呢...哈哈...

之後....我地又去左游水水呀....
今日,細佬仲過埋大池玩呀...兩兄弟都玩得好開心....
可惜,入面唔俾影相!!!

感謝天父,給我兩個開心,活潑的兒子,求你給我智慧,耐性,愛心,
好好去教養他們,讓他們成為神所愛,合神心意的好孩子!!

6月。開心回憶

6月。開心回憶

很想記下,每天發生的事,但是根本冇可能呢!!
有時飛左,一飛幾日,返來,又要顧住佢地兩兄弟!!
不過,都仍然好想盡量記下一些生活的點滴,
所以,唯有盡量寫..寫得幾多得幾多啦!!!

每天,最開心的事就係睇住佢地兩兄弟一齊玩!!!

估唔到細佬著呢件衫,同阿哥o個時著,個效果差咁遠...
因為佢有個大大..肚腩,哈哈!!

6.6.2010
呢日,在教會同阿妹慶生,我地仲送左份好大大大大的禮物俾佢添呀!!!
係米奇廚房呀...嘻嘻!!!

12.6.2010
呢日,下午天朗冇訓午覺,於是帶左佢出街買d野,之後等埋爸爸放工,
一齊去左食sushi,點知..佢食食下訓著左....哈哈哈....

14.6.2010
呢日,媽媽帶左細佬同幾位飛媽飛B飲下午茶,婆婆同阿E就帶左天朗去冒險,
之後媽媽JOIN番佢地,一齊去左JUSCO行街街!!

16.6.2010
端午節呢一日,爸爸帶左天朗去剪頭髮,當身處荷蘭的媽媽在FB見到呢個咁清爽的天朗,
忍唔住大叫.....好短呀!!! 其實,之前帶細佬剪頭髮的時候,係咁住阿哥一齊剪埋,點知,
佢o個日唔肯剪...於是爸爸趁今日放假,有時間便帶佢去剪!!
爸爸話佢好乖,全程坐定定....

細佬目前仍然都係似媽媽多d...哈哈哈...

睇下佢地幾親密....

22.6.2010
又食sushi....今日帶埋細佬啦!!嘻嘻!!

Toy Story

話說...之前天朗成日o係屋企睇Mickey Mouse...有時都會睇下Barney...但係睇得多,
佢唔悶,我都快悶到識背,於是前陣子,o係屋企搵左兩隻Toy Story/Toy Story2俾佢睇,
於是佢o個排係咁成日睇...真係好多得佢俾個機會,
o係我地睇TS3之前,重溫呢兩集的內容呢!!!哈哈哈!!!

而隨住TOY STORY 3 就快上畫,出左好多新product呀....媽媽忍唔住手買..買...買...

----- bought from L.A.-----
Pizza Planet + 游水手袖 + Lego
(當時,香港仲未有得賣,不過,而家有啦!!)

一見到呢盒lego,媽媽即刻好興奮,隻3眼仔好得意架...,好想買,但係諗住天朗

有排都未識切,但又真係覺得好得意...就o係呢個時候,表妹一手拎左去俾$,
話佢送俾天朗喎....

呢個Pizza Planet...俾我想像中..大呀....好正...佢地玩得好開心!! 嘻嘻!!

----- from Hong Kong T R US -----

this Buzz....so cute!!!

如果你而家問天朗:巴斯光年,會點架?
佢就會答: 巴斯光年...一飛沖天!!!

哈哈哈....

其實....我真係最鍾意3眼仔!!! ^_~

----- from Singapore -----
買給天朗的水壺

----- from Bangkok -----
mini bubbles
有一次飛Bangkok新加坡,行街時,在百貨公司玩具部逛,俾我發現佢地,我覺得好得意呀!!
於是,諗住同天朗的朋友仔一齊分享,所以掃左十幾個番黎,
個架上的差唔多俾我掃晒..哈哈哈....

我地已經約好左一齊去睇TS3啦...YEAH....
到時一定會好嘈呢...哈哈哈....

細佬第一次剪髮,轉新look

30 May 2010

自出世以來,細佬成日俾人話佢似女仔....頭髮愈來愈長,就愈來愈似....

所以,都係時候剪下頭髮......就係咁...細佬的第一次....來啦!!!

即刻man晒!!!!!!!!!!!!

同埋最重要係冇咁熱.....因為呢個肥朗同哥哥一樣,都係好大汗!!!

同場加映....剪頭髮前,與哥哥一齊嘆M記.....

仲第一次食ice cream....遲d up番段片先...好好笑!!