天朗第一次去camp

21-22 May 2010

5月21日,從迪拜回來,朝早落機,返到屋企,收拾一下,冇訓過覺...下午就同天朗+爸爸入左教會生活營!! 今次,係我地第一次帶天朗去camp過夜!(不過,由於營地好近我地屋企,所以我地都諗住如果天朗真係好扭計的話,大不了打的回府,哈哈!!)

入到去,開頭在室內玩集體遊戲,天朗都有d悶!!

不過,後來出到outdoor,又有個大草地,佢就好開心,同其他哥哥姐姐一齊玩!!

之後,就係BBQ時間....

食完野....打下ping pong 先!!!

由於下午冇訓妟覺....所以,到左9點幾,天朗已經開始冇電,
於是同佢洗白白,開奶俾佢訓覺....

不過,一如我地所料,天朗對呢個陌生環境有d抗拒,唔肯o係房間入面食奶,
結果,冒住餵蚊的危險,同佢出左門口食....結果,食完枝奶,佢已經訓左!!

於是,抱佢番入房,然後媽媽洗白白,再陪佢一齊訓!!
爸爸就同其他b/s出左去食糖水宵夜!!

之後,訓到兩點幾,天朗突然醒左,發覺自己o係唔知邊度,就當然係扭計~大喊啦!!
點哄佢都冇用,結果喊左半個鐘,我地開枝奶俾佢...又再訓過!!!

第二朝,起身....又再玩過!!!

後來,食完lunch,我地就出camp....
番左婆婆度,同冇份去camp的細佬玩!!!!