星期一(24/11),朝早去左睇醫生,confirmed有左小b,驗左醫生confirmed係有.如果計日子,應該已經有7週,於是問醫生照u/s,會唔會睇到野?! 佢話有7週,應該睇到架啦! 但係,佢同我照左好耐,佢話照唔到個子宮有胚胎,反而,我右邊個卵巢附近有個陰影,佢話有2個可能性,一係個胎太細,所以未check到,一係宮外孕!! o個一刻,其實我都算平靜,唔係話好擔心,但係真係冇諗過會有機會發生呢d事呢!! 之後,醫生suggest我抽血,check下個唔知咩指數,然後今日星期三再抽,睇下個指數係咪倍數上升,如果係的,就係正常懷孕,如果只係升少少,就有機會係宮外孕!! 噢.....無端端又要俾人拮針,抽血...唔制呀!!但係為左check下小b,冇計啦!!
於是,今朝晨早走去抽血,醫生話會當我urgent case,應該今日下午便知道結果,結果佢5點幾打俾我,話我冇事,係正常懷孕! 叫我下星期再去照u/s,再check番個預產期喎!!
等左成日,不停咁諗住呢件事......感謝主,保守小b....希望小b繼續健康成長!!
小b,
媽媽好開心,你已經不知不覺間在媽媽的肚子裡面,雖然你而家仲係好細...不過,媽媽相信你一定會乖乖,慢慢地在媽媽肚裡成長!! 你要乖呵!! 
