開心生日迪迪尼~樂園篇

繼續引用爸爸blog....

生日暢遊迪迪尼 – Part II 樂園篇

承上回 …… 我地一行6人離開酒店浩浩蕩蕩操入迪迪尼

入到去第一時間先醫飽個肚

門口指定動作 ~ 到此一遊 ~ 笑(天朗: 好曬呀, 快d影啦 !)

 

小貼士: 生日可以在入口服務中心攞個“Birthday 襟章”

行完Main-street, 我地先去幸會史迪仔(BB玩樂指數   , 基本上天朗全程都唔知史迪仔做緊咩 )

轉頭去玩 巴斯光年星際歷險 (BB玩樂指數    , 有車坐、有聲有閃燈、佈景又曉郁, 天朗都幾 enjoy)

出黎見到馳車天地, 可惜天朗未夠高唔玩得, 只可以係門口影張梳補數。

冇得玩車, 我地就轉攻隔離個歷奇噴水池 (BB玩樂指數     玩得最開心竟然是這個噴水池)

玩左一輪天朗開始眼訓 ZZZ zzz ZZZ zzz

爸爸MaMa 見機不可失即刻衝去飛左2轉 Space Mountain、食野、拿拿林睇埋米奇幻想曲再去Shopping

 

時間啱啱好, 有Parade 睇天朗就訓醒 (天朗: 咁嘈, 想唔醒都唔得啦 !!)

 

睇完巡遊再去睇 米奇金獎音樂劇 (BB玩樂指數 雖然對大人黎講算幾好睇, 不過對BB 黎講嘈左d & 時間長左d)

 

Golden Mickey 隔離就係 小小世界 (BB玩樂指數     , 有船仔坐、好多公仔睇、background music 又開心 ~ 推介) 

 

見到蜜糖罌就知係Winnie the pooh 啦 ~ 你睇天朗幾專心揸架蜜糖車、你睇 …… 我地好多相都係靠這種高難度拗腰動作先影到。

小熊維尼歷險之旅 (BB玩樂指數   場景頗黑, 天朗唔多鍾意)

去主題公園又點可以唔玩灰姑娘旋轉木馬, (BB玩樂指數    , 天黑先去玩, 影相會靚d)

 

玩完木馬我地行左好遠去玩森林河流之旅 (BB玩樂指數 , 又噴水、又噴火、又飛箭, 驚驚)

最後我地就返睡公主城堡前睇煙花

 

下次再黎玩過

回程就一齊坐迪迪尼火車出青衣食飯

媽媽:我地冇為天朗預備生日蛋糕呀...但係我地用壽包來慶祝呢!!

媽媽: YEAH....what a happy day......唔知幾時再去玩過呢!! 或者等天朗大d,識玩先啦...嘻嘻!!