10 June 2009
上回講到我家姐姐的工作情況+態度不太好.....上星期五(5 June),終於忍唔住帶左佢番agent度訓話,我+媽媽向agent講左佢的問題(態度唔好,做野懶散,冇咩禮貌...等等...不能盡錄)....之後agent話工人姐姐初來到,大家都要適應下,需要一d時間...去磨合下...佢話知道個姐姐的問題,有d咩要改進,叫我地出去行下,俾d時間,等佢"教育"下個姐姐...叫我地半個鐘頭之後,再番去接番佢!!
咁我同阿媽就去左食個tea +行一陣,再番轉頭,番到去,agent話同姐姐傾完,覺得佢的態度都係正面的,佢都知道自己有咩做得唔好,會改善....等等...其實我都估到佢係講呢d野架啦....如果唔係,除左呢d,佢仲會講d咩呢?? 最攪笑係個agent講完一輪,o係我地面前....問個姐姐,知唔知道自己有咩做得唔好...佢竟然好大聲咁答:唔知!!! 哈哈...其實我估佢係想講~知,不過,佢的理解能力同表達能力,真係好有問題....之後agent再問佢其他野...佢都好似九唔答八咁....唉...算吧啦...其實,我都知道係咁上下架啦...只係我希望,帶佢去agent度傾下計,明確d等佢知道我地覺得佢有問題,睇下佢會唔會有所改善,諗住俾多一次機會佢姐,另一方面,同埋了解下佢係咪有咩問題,例如:掛住屋企/唔適應...等等...
之後,我地就帶佢番屋企啦...o個晚,佢又真係好d o既...叫佢做野,都好快回應...第二日,佢放假....所以冇野睇到...到星期日,我+媽媽又出左成日街,所以都冇咩睇到佢做野...到左夜晚,我地番左去,會合我爸爸+弟妹,諗住出街食飯,叫埋佢一齊去,點知佢話唔去,自己o係屋企食得啦...咁我地就一家人出哂去,得佢自己o係屋企食!
到左星期一早上,佢同我媽講話唔舒服, 個肚好痛,大大有血! 我媽打電話俾我,於是,我叫媽帶佢去睇醫生,睇完醫生話佢係生痔瘡,俾左d特效藥佢!o個晚,我同老公番到去,又見佢冇咩野...所以都冇理佢!
點知...到左尋日朝早,佢又同我媽講話唔舒服,話自己嘔血,嘔左兩次...嘔完第二次,仲叫我媽去睇下...我媽睇完,就好驚,好緊張咁打俾我老公,問使唔使帶佢睇急症?! 因為深怕佢係咪有咩暗病...怕佢傳染俾阿仔嘛....之後,經過多方考慮,他人意見...都係同佢bye bye為妙...於是阿媽叫佢咩都唔使做...去訓覺休息下....到左下午3點幾,佢走去問我媽: 太太,我使唔使去訓醫院? 我媽問佢:你係咪覺得好唔舒服呀? 佢冇答,然後仲問我媽:太太,你唔敢同我去醫院呀? 我媽就話:我湊住bb,點同你去醫院呀? 跟住佢就冇再問啦!!
直到夜晚,我地放工番黎...商量左,都係決定第二日(今日),同佢bye bye...於是老公,今日下午請左半日假,帶佢去agent度攪手續. 今日,當老公同佢講,我地決定唔要佢啦,叫佢執野走,佢都有問:點解唔要佢?? 老公話:唔夾呀..定唔知唔o岩呀..總之, 隨便俾左個答案佢...之後,我媽又加多句,叫極你都唔改,做得唔好... 雖然我唔係現場,但係其實,成個下午我都好擔心,好驚佢會玩野...lunch都唔係好食得落....又唔敢打番去問點樣..直到5點幾,老公打電話俾我,講左句: 攪掂啦!!財散人安樂!! 咁我先至鬆一口氣!!
唉....雖然無啦啦冇左幾千蚊,但係起碼我同阿媽都唔使再為佢令自己激氣! 我同老公又唔使因為佢的事而鬧交.....而家,只係希望佢收左$,真係順順利利咁走...唔好再o黎找我地麻煩便好了!!
不過,最攪笑係...我媽今晚突然間諗起佢尋日的疑似嘔血事件,可能係因為佢食左o個日睇醫生d藥(有粒紅色藥),反胃作嘔,嘔番出黎...所以先攪到好似好嚴重咁! 不過,anyway....咩都唔重要啦...都已經同佢bye bye左啦!! 因為佢的工作表現+態度,真係令我地頂唔順啦!!
唉...細佬下個月便出世了...而家都未決定要點...不過,暫時應該會唔請新工人住啦!! 只好靠自己+阿媽頂住先啦!! 冇話唔得o既!! 只好同自己講~~加油呀!!
嘩...又打左咁多字...真係覺得有d無聊,竟然為左個無謂人...花咁多時間打咁大篇野,不過,算啦...當係一個經歷啦!! 等我呢個記性愈來愈差的媽媽,記得下發生過咩事啦!!
