雖然,平時我放假,都會自己湊天朗,但係今次唔同的係...婆婆真係唔會來幫手啦...因為她已經身處米國,出席我表妹的婚禮+旅遊一番!! 其實,自從婆婆幫我湊天朗開始,佢都冇咩放過假,去玩!! 所以,希望佢今次可以玩得開開心心,又可以見下我的舅父,舅母...雖然話而家坐飛機係好方便+好平,但係,佢幫我湊住天朗,要行開咁耐去玩,真係唔係成日都有機會!! 所以,今次真係好開心,可以請佢去玩,當係俾個機會佢好好遊玩+休息啦!! 因為佢番黎之後,另一個挑戰將會好快來臨啦...就係細佬出世啦!! 雖然上次都已經有湊天朗的經驗,但係今次好唔同,就係因為多左天朗啦!! 今次,我地要兼顧兩個...相信應該唔會比上一次容易呢!!
所以,呢兩個星期,對我來說,都會係一個新挑戰呢...因為真係第一次自己全時間照顧天朗呢!!雖然可能會好辛苦,但係,我會甘於去面對,而且我相信我會支持得住!! 希望不用見到其他人的"幫忙"呀...因為我真係接受唔到其他人的幫忙呀!!
呢幾日,心情都不太好..因為某些人,某些事..影響到我和我的家人...前晚發夢俾人激到喊...尋晚仲驚...發夢細佬突然出左世,仲攪到我媽咪冇得去旅行...哈哈..我今日都唔敢講俾佢知,我發左個咁o既夢...免得影響佢去玩的心情呢!! 不過,我相信細佬會乖乖,在最適當的日子,來到這世界,跟我們見面!!
但係,我相信,我會好掛住我媽咪!!!
Have a nice & safe trip, my dear mom!!!
沒有留言:
張貼留言