我家...姐姐

我家...姐姐...自4月初上工,已經差不多兩個月了...記得之前,佢o黎左未夠1個月,我已經在blog提過,媽媽發現佢開始偷懶,做野求其!! 而呢個情況,好似都冇咩改善...而且,佢的態度仲愈來愈差....大姐..你初o黎報到....扮下野先都好喎....但係佢好似冇law...

如果佢做野蠢或者偷懶...我都勉強接受到...因為我明白佢地資質係比較"高",加上香港的生活始終唔同印尼,但係其實佢係來香港做過野...並唔係完全冇o黎過! 不過,已經係好多年前,所以我地都當佢咩都唔識,由頭教過,再加上,始終每個家庭都係唔同,每個僱主的要求都唔同....

但係,佢的問題係,佢的態度麻麻,我媽教佢做野...佢都冇咩心去學..其實佢都只係做下家務,幫手煮下飯,如果我媽o係屋企,多數都係我媽煮,佢只係輔助性質,因為佢的廚藝...大家都應該明白....佢地唔會好識煮!! 前幾日,佢打爛左個玻璃茶壺,我媽問佢係咪打爛左,佢仲要搵藉口,話係因為拍蚊,唔覺意打爛左,其實我媽只係諗住問下佢,並唔係要責怪佢或者要佢賠錢,但係佢仲要一d悔意都冇...完全唔覺得自己做錯!!

有時,佢有d野做得唔好或者冇做...我媽問佢公司有冇教佢,佢仲要駁咀,話公司有教佢...問佢做咩唔做...佢就唔出聲!!  最過份係我媽話,早幾日出糧俾佢..俾左d $ 佢,佢逐張逐張數,然後竟然可以一句多謝都冇!!! 呢d係咩態度呢??  雖然話出糧俾佢係理所當然的事,但係我真係好懷疑,佢咁的態度,我下個月仲應唔應該出糧俾佢..定係應該送佢番屋企!!  我知道其實佢呢d情況都只係d好少的事..因為更衰,更惡劣的,我都聽過唔少...但係我最唔順氣的係..點解我要養佢o係我屋企??!

我真係好嬲..好嬲我自己,點解我要搵個工人番o黎...俾氣我阿媽受....我覺得自己好衰,好不負責任....請左個工人番o黎,再加埋阿仔,放o係阿媽屋企...咩都要佢受哂...自己就好似置身事外咁....原意係搵個人番黎幫輕下佢,因為要知道照顧住一個小朋友係好花精神,時間..係好攰的,如果仲要佢做哂d家務+照顧其他家人,肯定會好攰!!

唉....真係...好想唔do...番屋企自己湊仔!!!