今日係第一日沒有媽媽在身邊幫忙的日子...可是...有點出師不利呀!!
今朝,阿仔竟然九點唔夠就起左身....仲係一醒就好精神,o係度講野o個隻...想佢訓番都難!!因為平時,佢朝早7點飲完枝奶奶,多數都會訓到10點..或者9點幾...總之,唔會咁早爬起身啦!! 見咁早起左身,就決定同佢落麥記食番個熱香餅早餐啦!!
食飽飽,就番屋企...因為出面實在太熱!! 到左12點幾,煮左d上海麵同佢一齊食...食飽飽...就落去接..大天朗4日的諾諾哥哥上黎玩...其實都冇約定架,係諾諾媽媽朝早打俾我,睇下我有冇節目,我話冇呀..都係同阿仔o係屋企...於是佢地就上左黎玩!!
不過,佢兩個可能仲係細,所以未係好識"一齊"玩....見到佢地兩個走埋一齊的時候,就多數係爭玩具的時候...咁地兩個媽媽就要教育下佢地..因為佢地都做左人地哥哥同埋就快做人地哥哥啦嘛..要好好學習下分享同埋一齊玩啦...哈哈! 佢地有佢地玩,我地有我地傾下湊仔經,大家吐下苦水咁啦!玩到差唔多成3點幾4點....天朗開始冇電啦...因為今朝太早起身了...所以,諾諾就番屋企,而天朗就食左枝奶奶,然後zzz.....
雖然,真係好想同阿仔一齊午睡...但係又想趁佢訓左覺,做下其他野,因為佢最近真係十分"痴身", 想行開做其他野都好難,所以,趁佢覺覺時,走去上下網,預備下佢今晚的晚餐,收衫,熨衫...點知,唔小心俾個熨斗碌親手....開頭以為冇咩野...心諗好彩自己縮得快....但係過左一陣,開始有d痛,於是即刻去沖涷水...然後搽藥膏,希望唔好有疤痕啦!!
之後,到阿仔訓醒,同佢玩左陣,就整飯俾佢食...到左7點幾...外賣番到...便到我開餐了!!
食飽飽....走去上下網...話咁快又10幾點啦!! 點解夜晚d時間過得咁快咁o既?!
希望兩個阿仔乖乖....聽朝俾我訓晏少少啦!! 因為細佬開始好大...成日覺得佢頂住頂住我...又成日勁踢...攪到我好辛苦呢!!唉...佢唔踢又驚...佢踢又令我好唔舒服...好矛盾呢!!! 不過,媽媽都係寧願你繼續踢..唔好叫我擔心呀!! 兩位寶貝仔,媽媽會努力頂住...我地一齊加油吧,好嘛!!
我知道嬲人係一件好辛苦的事..但係我仲未嬲完呀!!! 因為...你令我覺得..你認為你自己冇做錯任何事....你令我好想繼續嬲落去呀!! 因為....我係一個好小氣的大肚婆呀!!!
今日,一諗起阿媽...就好想喊呀!! 點算?!
沒有留言:
張貼留言