34週~私家醫生檢查

19 June 2009

34週~私家醫生檢查

細佬,

今日又係媽媽去檢查,探探你的日子啦!! 由於婆婆唔o係香港,而咁o岩你的表姨媽,即係媽媽的表姐,今日放假呀...所以,可以陪媽媽一齊去檢查呀...如果唔係,媽媽一個人帶住哥哥出去,就難攪d啦!! 而哥哥都好乖乖呀....係我地on the way去診所的時候,就覺覺豬左....等我地可以慢慢俾醫生檢查呀!!!

今日,你已經有5磅幾啦...好厲害呀....而你最勁的係個頭好大呀....頭仔的size竟然比預產期size大3週呀...wow....希望你唔好要媽媽好辛苦地生你個頭出黎啦...哈哈....而你其他一切都好正常.....

至於媽媽自己呢...今日重61.2kg,比3個星期前,只係重左1.2kg...哈哈....都ok啦.....只要你有增長便足夠了....而媽媽個肚仔仍然都係維持係39.5吋,點解冇咩大到o既?? 真奇怪!!

不過,總之,你一切正常,健健康康,媽媽便心滿意足了....

呢個係你的心跳....不過其實媽每晚都會o係屋企用胎心機"聽"下你啦...因為呢個已經變左你哥哥每晚臨訓前的活動啦....嘻嘻...有時佢仲會好肉緊咁放佢自己個頭落媽媽個肚度聽tim....希望哥哥冇整親你啦!! 

仲有,唔知你收唔收到哥哥的good night kiss呢....你出左世之後,都要錫番佢架....唔好蝦哥哥喎!! 好嘛?

仲有呀...今朝你同哥哥都好乖乖呀....我地訓到11點先起身呀...呵呵!!