做到傻左

尋日, 第一日就被call左做"人參國"即日來回, 11:10 call我,12:35前要番到公司,好彩佢遲左少少call我,所以我先可以有的士claim. 好彩我已經早左少少起身,化定妝, 但係冇諗過佢咁快call我呢,所以碗corn flakes食左大半都要放棄...然後拿拿聲call 的士...點知call左好耐都冇..好彩後來都call到.但係,當我正諗住落樓,先醒起自己銀包得$200...oh no....仲要去o禁錢....好彩結果都趕得切!!

不過,今程機一點都不好過,因為我要做的是賣duty free, 冇錯,只係賣duty free,其他野唔使做...聽落去,好似好so,但係一d都唔so,因為o係差唔多3個鐘的呢程機,我係冇停過,不停咁走出走入,踎低起身,搵野賣野,收錢找錢..做到隻狗咁...加上d人參客仔,英文不太靈光,所以要用 簡單英文+手語 同佢地溝通!!  好耐都冇試過咁辛苦呀!!!

   

好彩,番香港o個程冇咩人買,但係因為韓國落雪,攪到機翼有雪,因安全理由,所以要de-ice左,先可以起飛! 結果比原定時間遲左成個鐘先番到香港,本來已經夜啦...仲要再夜d...攪到我要去追12:00尾班巴士番屋企,跑到我呀!!! 追唔到,就要搭的士啦!! 結果,我上左巴士,過左兩分鐘,佢就開車啦!!

好彩,今日有一日day off.......真係要回一回氣呀!!

等待的日子

聽日,就要開始我的10日 "等call的日子", 我最討厭就是見到自己的schedule 有standby duty. 奈何,因為以應付大家同事report sick的時候,所以基本上每3-4個月就會有一次standby . 

不喜歡standby, 因為有很多變數

不喜歡standby,因為我不可以控制自己的生活安排

不喜歡standby,因為怕要好趕咁番公司

相信我地每個同事都不會喜歡

wish me luck, 我o岩o岩先去完Bombay, 請不要給我!!

希望Melody 快d好番啦,無端端唔知點解,整親隻腳,番唔到工. 祝你 早日康復!!

請不要給我..她的BKK/KHI.

BOM 一年一次好嘛?

今天,終於都從Bombay 回來了,雖然只係5日,但係好似去左好耐咁, 番極都未番到屋企咁!

可能因為中間要做一桯shuttle,由Bombay 去Dubai, take-off,landing,又take-off,又landing,但都係番去Bombay,再留多一日先番香港.

其實真係冇諗過自己咁快又做BOM的,因為剛過去的11月才做完回來,還記得上次做完,我跟自己說:BOM一年一次也嫌多呢!!! 沒想到,兩個月之後,我又來到這個地方,但係,今次係我自己調番o黎o既,係用一班同樣辛苦,難做的機. 不過,好彩,今次已經好好多了,未係太難頂,或者係因為已經有心中有數,預左會好辛苦.加上d客已經進步左少少,由每人飲3-4杯野,減到2杯!!

不過,也有"激死"的時候......

問: Would you care for some juices or soft drinks?

頭搖搖的人: Juices.

問:Would you like to have Orange,Apple or Tomato Juice?

頭搖搖的人: PINEAPPLE

 Oh  my God, 唔好玩我啦,唔該!! 這只是冰山一角, 總言之, 都係o個句: BOM 一年一次,好嘛? 可惜,如無意外,今年應該仲有一次會roster呢,仲未計standby有可能被call呢!!  講開又講,後日就要開始我的standby block了,最討厭就係o係屋企等電話!!!

浮羅交怡

終於o係12月頭,有機會同我的baby~Melody 一齊飛4 days Penang, 可以一齊去 浮羅交怡. 之前一直怕會落雨,好彩天公造美,好好天,不過好鬼大風..同埋好多魚呢...好慘,一落水,就俾d魚咬左大脾一啖(可能因為大脾夠肥

),仲記得幾年前同"早丫拿"去泰國,o係巴堤雅玩海底慢步時,佢o係度餵魚,點知戴住個手套係穿洞既,所以佢就被魚咬左啖了! 估唔到我今次都有咁的經歷.太可惡了,點解要咬我?! 

    

我地玩左陣浮濳,便去左沙灘坐,因為太大風,好大浪,所以睇d珊瑚都唔係太清楚. 不過咁樣輕輕鬆鬆過左一日,都幾舒服.

但係,都係上次去Cairns Honeymoon時,o個度靚d,同埋珊瑚多d,唔知仲有冇機會同你去多次呢?! 

 

UNO ATTACK + JENGA 大戰

               

哈哈...之前,都有講過因為陳先生回來的關係,也讓大家有機會出來一齊"反",這夜的

UNO ATTACK+ JENGA 大戰 , 真係好開心, 大家一玩就玩到晨早4點幾呢.....哈哈!!

好耐都冇試過玩得咁開心啦!! 唔知下次幾時有時間呢?! 應該唔會要等陳先生下次番黎卦!!

 

 

 

1月23 日 孟買的日落

  

經過一晚的通霄工作,來到印度孟買,去到酒店一訓就10個鐘了, 起身食下野,上下網,休息下,便一日了...要抖足精神迎接明天的挑戰了...

方力申 在你遙遠的附近

呢期,聽的當然係 在你遙遠的附近 方力申

                                 

1 在你遙遠的附近     2 大細心        3 皇后     4 親近對．親熱錯      5 先苦後甜    6 壞的好情人    
7 冷靜熱情之間         8 有無      9 方圓     10 脆弱的石頭       11 天同地       12 無雙譜      13 你什麼都可以

除左兩首主打歌 "在你遙遠的附近 " 同 "大細心",最鍾意的係 "先苦後甜",尤其是見到MV裡面,Alex細個游水的片段,真係好得意!!

    我會漸成大器　(今天我願生性)
　使雙親最喜悅是要爭氣
　不忍使你失望盡我全力
　奔波一世的你
　艱辛的困境扶育我
　羽翼漸盛現巳高飛
　講不出那感謝便唱給你
　輕撫你皺紋段段舊事再憶記
　當我自小拖緊你
　舉首凝視　似是大樹護蔭的你 

期待 孫耀威 的 新專輯呀!!佢已經錄緊音啦!!

黎明 Looking

    前陣子,成日聽的專輯 Looking Leon                               

                        

                                                                        

                                         1 無事常相見 (Piano Version)    
                                         2 愛是傻得起   
                                         3 蠢蠢欲動  
                                         4 無事常相見   
                                         5 你有本事    
                                         6 電殛   
                                         7 I'll Never Fall in Love Again

我最鍾意的係 "無事常相見" 

         隨時愛相見　便見面
         未怕疏遠了十萬年
         年中雖無事也見見
         談笑風生聽你表演

         跟你沒計算的感情
         永沒利益的陰影
         唯獨笑得太大聲

人大了,生活改變了,大家也唔同了,只是有一樣野係冇變的,就係大家的回憶,因為它永遠也會埋藏在我們心裡. 每次跟中學同學見面,也喜歡緬懷往事! 我相信,讀書的日子係最開心的,因為沒有太多的憂慮,而家人大了,要諗的野多左好多. 唔知點解每次聽呢首歌,都會諗起婉文姐,佢係我最好的朋友,雖然而家各有各忙,未必成日見到,但係佢始終係我疼鍚的朋友仔.

仲有一個,未必係可以成日見的老友,就係我的陳大佬了..由於佢身處花旗國,所以想見都未必可以. 所以佢前o個排番黎香港,都見左佢好多次...真係攪笑...仲有因為佢,攪到我地o係香港o個班friend o係短時間見左好多次添呀...哈哈!! 多得你唔少!!

                                             

                                              

2007晨光第一線

 " 鳳凰山之行", 我地終於o係2006年的最後一日,可以行得成啦!!!

今次係我第三次上去,第一次,係好多年前,讀緊中學時跟童軍的同學仔行,o個次上到一半,因為風太大,所以只好在山腰等睇日出.

第二次係2005年,同教會的弟兄姊姊行,可惜因為太大霧+大風,為左安全計,我地行左少少就冇繼續了,只係o係山腳扎營,過左一晚.

到左今次,我地起行的日子,也因為大家事務繁忙+天氣問題,一而再,再而三改日子.

2006年12月31日,晚上11點左右,大家在東涌集合,等左一輪,分配物資,傾左一輪,我地就成班人傻左咁,o係個商場出面大叫 "10,9,8,7,6,5,4,3,2,1 happy new year" Gloria 仲幫我地預備左香檳添呀!!

倒數完,大家又擾攘完一輪,我地一行20人便出發坐巴士到山腳,開始我地的" 鳳凰山之行"!!

可能因為天氣好,今次行得好舒服,雖然有d凍,不過行的時候真係好熱呢!

我地行下,休息下,行下,休息下,大約個零兩個鐘,便去到一個我地打算稍為歇腳的地方,大家便搵個好地方,坐低煲朱古力,薑茶,我地仲o係度玩UNO添呀,不過因為風實在好大,所以玩左一陣,便放棄了!!

歇完腳,我地就o係有d眼訓的狀態下,繼續行上去. 上到接近山頂的地方,已經冇法再行向上行了,因為個山頂已經企滿人了.所以我地就各自搵個有利位置等候日出. 上到去山頂,比之前仲凍,加上臨天光唔知點解特別凍,我同老公已經凍到縮埋一舊.

到左六點幾,個天已經開始有d光, 到左7點度,個天已經幾光下,仲未見到個日出,大家以為今次白行一躺,點知,就o係呢個時候,忽然聽到大家的尖叫聲,原來係個太陽,終於都緩緩咁升上o黎啦!!!好開心呀,終於都睇到啦!! 

太陽先生出o黎之後,大家的注意力,相機都不停對住佢.影左一輪相之後,我地便回程了. 大家成日都話"上山容易,落山難", 呢句說話係冇錯架. 哈哈!!

落山之後,大家食過早餐便坐車番屋企....大覺訓了...zzz....