野蠻太太?!

果然,裝修大佬今日都好準時開工,不過,其實今朝10點,未俾佢嘈醒,就自己起左身了!! 就係我正準備刷牙洗臉時,佢地就開工了!!!

    跟住,我就唯有落街食早餐啦!!!

下午同MeLoDy在pizzahut食下午茶, 我地叫左兩個tea set, 一個係mini pizza,一個係desert心太軟,同埋一客薯容,我地落order時同o個位waitress女士講,可唔可以食完個pizza同薯容先,之後食個心太軟. 點知,佢的答案係, ai....個心太軟同pizza都要15-20分鐘整架喎!!! 好明顯佢係好唔得啦,係咪地要一口pizza一口心太軟咁黎食呢!!  咁我地就算啦,由得佢啦...唯有!!!

   等左一輪,個薯容同pizza都食晒啦,個心太軟都未黎,於是我就問另一位waitress小姐:我地個心太軟係咪整緊呢? 過左一陣,個waitress女士過黎同我地講:唔好意思呀,小姐,心太軟賣晒啦!!!或者你叫過另一個餐呀!!!!!! 

well...結果等左咁耐都係食唔到個心太軟!我地只好改食cheese cake!! 但係好唔開心law....我地一早叫左,應該落左單架嘛!!!  唉....唔掂!!

同MeLoDy傾開話下個月週年紀念去旅行的事,我話佢知我要我老公請假陪我去旅行,(話說,佢轉工冇耐,所以未儲到annual leave,所以要請no pay!)

佢就話:你老公真係好呢,你真係一個野蠻太太呀!!  哈哈.....咁我就話,係呀,因為我同我老公講,好呀,你唔請假,咁我自己一個人去慶祝週年紀念law!! 嘻嘻!!!

下午,除左去tea,都有dd貢獻既,就係做家務,吸下塵! 但係每次我吸完塵,都總係分唔開呢兩截吸管,要勞動我老公攪掂!! 今晚,番佢屋企食完飯,番到黎,佢叫我同佢一人拉一邊分開佢,點知,我隻手係完全冇力,一d都捉唔實....哈..結果佢係靠佢自己一個人擰番開佢!! 

                               

哎呀 隔離屋裝修

前日一早番左一日工,諗住尋日可以訓晏d啦...點知..唔知幾點開始,就聽到好似拆樓咁既聲音,但係由於太眼訓既關係,我唯有繼續o係張床上垂死爭扎! 結果到左差唔多12點幾,都係頂唔順了,都係要起身啦! 然後冇幾耐,阿媽打黎,話出去飲茶,一行出門口,先知原來係隔離屋裝修,唔怪得之咁嘈啦!!  唉...出左去飲完茶之後,就番左阿媽屋企"避難"了!!

今日,一大清早天未光,就要爬起身番工了....好眼訓,好辛苦!

去o個程都ok,得好少客,不過都發生左一個小插曲,話說佢地大部分都係來自一個東x遊的香港團,o係差唔多降落的時候,有個兩歲幾三歲的小妹妹,企o係佢個位前面o係咁喊,唔肯坐低,因為耳壓的問題,所以佢勁喊,但我地檢查的時候,都同佢媽咪講左,因為安全理由,佢一定要自己坐好,扣安全帶,於是佢媽咪唯有抱佢坐番自己個位,扣好安全帶!呢個時候,我地都要坐低,準備降落了! 但係個小妹妺都係繼續勁喊同埋尖叫,開頭佢爸媽都係忍心唔俾佢起身,但小妹妹的喊聲終於收服左佢媽咪,雖然佢地背住我地,但係我相信一個3歲的小妹妺應該唔識解開條安全帶,所以應該係佢媽咪解開.佢諗住抱住個女,點知個女都係繼續扭計,要去前一行的爸爸度,佢都冇符,唯有俾個女行去阿爸度,其實佢地咁做係幾危險架呢,因為飛機已經降落緊,如果touchwood突然間有d咩事既話,就真係麻煩呢,而且佢地要自己負責任架!

 

番香港o個程就好爆下...仲要最慘的係全機都係日本人!!!

 佢地係來自同一間公司,佢地公司包機請佢地黎香港旅行,幾正呀!!!  可惜,佢地差唔多全部都係auntie,我唔係歧視佢地,只係同佢地有d雞同鴨講,我講英文,佢地講日文,佢唔知我講咩,我又唔明佢想講咩,加上,可能今朝太早起身,唔係好夠訓,冇咩心機,笑都唔係好笑得出呢! 

裝修大佬...希望你地聽日可以俾我訓晏d啦!!!!

  Please!!!

年初七~人日

今日係年初七~人日, 祝大家生日快樂, 步步高昇!!   

今日,老公的大學同學上左o黎我地屋企拜年,幾多野食!!

  yummy..yummy!!!

仲拎左從澳洲帶番香港,由Fiona所送贈的鳥結糖同大家一齊分享添呀!!

  

不過,食之前的過程都幾艱辛架,你睇佢幾誇張,要用菜刀o黎切呀,不過入口一d都唔硬架喎,好chewy,好好味呀!! 多謝晒,Fiona!!!

 

  

睇下大家得幾滋味!!      仲有,我地今日又收到一個紅色炸彈了! 佢就係下星期結婚的新郎哥啦,恭喜,恭喜!!

我的悠長假期聽日終於都完結了....要番工啦...

...年初八  不情願的情況下 開工大吉啦!!!

年初五 小兄弟回家了

這對可愛的小兄弟o係我屋企呢個天堂玩了兩日, 今晚終於返左屋企lu!!

點解我地屋企係天堂, 因為呢度有得食,有得玩玩具,有得睇電視,又有得打機...仲唔係佢地的天堂!! 

當佢地兩個相安無事的時候,就真係好討人歡喜,好可愛架! 但當佢地爭野玩的時候,就..

..尤其是細佬,成日恰阿哥,因為哥哥比較懂事,會讓下細佬...但細佬就有時比較"蠻"!!

唔知等到幾時再有機會接佢地黎玩呢...因為要等佢地放假,我又放假呢!!

玩左幾日, 佢地要乖乖返屋企做功課了!! 

 

年初四 潘氏小兄弟續篇

年初四  今朝一早就o係潘氏小兄弟 連環攻擊: 懶訓豬 起身啦,懶訓豬 起身啦...聲音中爬起床!

然後去同我爸媽,姑姐,姑丈,表弟飲茶...之後再用同一張枱同我大學同學飲茶(勁...唔使等多次位嘛!!嘻嘻!!),跟住佢地就上左黎我屋企拜年,仲同我表弟仔打機添!!

睇電視睇得幾開心!!

夜晚,等埋老公放工,就帶左佢地去食壽司!! 點知,到差唔多食到接近尾聲時,細佬o係度勁"中"眼訓....好鬼得意!!

 

年初三 潘氏小兄弟大駕光臨

年初三 今日,我兩個可愛的表弟仔,黎左我屋企拜年! 仲同佢地玩,上次o係SIN買的大飛碟!! 好攪笑!!

哥哥玩飛碟





夜晚,同其他親戚一齊食飯! 然後,佢地就去左我屋企過夜!!

 

細佬刷牙 好叻呀

新年快樂 身體健康

經過上星期十分密集的飛行,便開始我這星期的新年假期了!

這個假期是我自己製造的,因為我想在香港與家人一起過新年! 一年不是有很多日子可以這樣一家人聚在一起!一家人,說的真的是很多人,因為我家是大家庭,爸爸有很多兄弟姊妹,所以我有很多表弟妹! 而且,今年是我第一年派利是呢!!

  雖然,要因此付出更多,收得更少,但是,最緊要係一家人,大家開開心心嘛!!

我要享受,這星期的 long vacation....

祝大家 新年快樂 身體健康 主恩更多!!

別了 許瑋倫

今日,o係屋企睇娛樂新聞,見到有關許瑋倫的追悼音樂會片段,唔知點解睇到我喊!

 不過,其實我係一個非常眼淺的人!

認識許瑋倫這個名字,是因為鄭元暢而買了"撞球小子",而知道這個artist. 

前兩天,到了台北,在唱片舖見到有為紀念她而設的專櫃,放了她所演出過的劇集. 在電視,看到正在重播她上過的節目. 她樣子甜美,相信她星途應該不錯,這麼年青便離開人世,確實可惜! 可是,意外就是意外,沒有人會想見到! 但願她的家人朋友,能夠早日平復心情,繼續生活吧! 

珍惜我們所擁有的,因為這些你有的東西,家庭,朋友,感情,工作,幸福...以至生命都不是必然的. 請珍惜,享受生命中的每分每秒! 

 並且,要學會時時感恩呢!

終於去到台北了

2月7日 今朝又係11點開始等電話,等左一陣,就收到公司的電話了...台北..又係台北...睇o黎公司的人真係好想我踏足台灣桃園機場喎...連續幾日都要俾台北機我! 多謝晒呀!!! 又俾個台北over nite我!!!

不過,經過尋日的大霧事件之後,都有d擔心,怕好似尋日咁. 結果由公司坐車去機場時,機長都話台北都幾foggy,佢會盡佢所能降落，如果試左兩次都唔得既話，就要返轉頭架啦！！　俾佢咁樣講一講，都咪話唔驚呢！所以差唔多到台灣時，大家(其實係我同我個partner..哈哈)都好緊張咁探頭張望,見到個天都ok清呀,應該land到卦! 幸好,我地結果都好順利一次就land到啦! 不過,land左之後,去緊parking bay的時候,望出窗外,見到出面都真係幾大霧下!!  去到酒店睇新聞,原來機場附近又好大霧,所以夜晚機場其中一條跑道都close左.

點知,今朝出發到機場,準備返香港時,見到個天...oh...no....好大霧!!

尤其是去到機場附近,能見度相當低呢!!
去到boarding gate,先知道原定比我地早出發返香港的班機...都仲o係度呢!! 有隻機o係runway,有隻機o係boarding gate,而我地就o係個gate度望天打卦!我地都唔算慘呀,比我地早出發的同事已經o係機上同d客一齊等呢...真係唔敢想像個情況係點呢,雖然係天氣問題,我地都控制唔到!! 但係,你知啦,如果d客唔nike,話鬧就鬧架啦!

結果到左9點幾,太陽伯伯終於發揮佢的威力

,將d濃霧趕走..而我地公司第一班原本6:25am起飛的機o終於o係9:30am可以飛到啦!!!足足delay左3個鐘呢..之後o個d都係大概delay左兩個鐘.真係辛苦哂班同事呢!!而我地o個班都係delay左兩個鐘,終於可以起飛返屋企啦!!!  到左11點幾,12點d機的起飛時間先回復正常呢!!霧知識

在台灣常見的霧有輻射霧與平流霧，前者是指在夜間地表散熱降溫，到清晨時降到最低，地表與大氣暖濕空氣碰觸，所含的水氣達到飽和就形成霧；平流霧則指暖濕空氣流到寒冷海面或地面，降溫後達到飽和，水氣也會凝結成霧。

這次籠罩台灣海峽的就是平流霧，比起輻射霧，通常不分白天黑夜都可能出現、也不易消散，涵蓋區域更廣。

就是這樣,這個 "台北大霧之旅" 就結束左我兩個星期的等call生涯了!!

咁多次standby,第一冇新加坡呢!!!!多謝晒!!  

台北 與我無緣

連續三天,本來要去台北,結果都去唔成. 呢兩個星期on standby duty,真係有好多變數.

前日call我話做台北即日來回,後來又話唔使去.尋日,又係咁....結果,今朝call我話做台北over nite,結果夜晚9點幾o係機上,已經上晒客,準備起飛. 點知,突然收到消息,話台北機場太大霧,機場關閉,所以我地同d客都要落機..因為未知個機場幾時可以開番,佢地可以去機場食飯....我地再o係機上等左一陣,就叫左我地返公司. 結果,返左公司,等左一陣...就叫我地返屋企..聽日變左 standby duty! 對我黎講,影響應該係最少,因為我本身已經係standby duty...反而其他同事就慘d.

唉.....聽日又要繼續...等了....

曼谷新機場,真係一個笑話,竟然開左唔夠半年,問題多多,結果要開番個舊機場o黎用.... oh....

新機場,我都未有機會去過呢

美麗的日落

5.2.2007

雖然只係個半鐘的機程,但因為去程班機唔full, 所以做完野,仲有少少時間,可以望下出窗,影低美麗的日落.

今日,又俾公司"反"左一次

11:10 call我話做台北即日來回,半個鐘之後,又call我話唔使我做.結果兩個鐘之後,再打俾我...結果又係做左班馬尼拉即日來回.  

我唔鐘意日日返工呀...

 可唔可以俾個over nite我呀...