前日,去診所睇醫生,第一次俾醫生放個野o係我肚皮上~照超聲波! 第一次透過個screen同bb見面,不過可能因為佢o係媽媽肚裡面,已經同媽媽一齊,坐左8次飛機(知道有左bb之後,其實我只係番左一班好短的台北機同埋上個星期同老公去東京)唔知係咪之前o係東京操勞過度,所以有d唔舒服! 去睇醫生,佢就話我有少少作少產,但佢話其實咁的情況係好正常,10個孕婦都有1個! 個醫生不停咁同我講:佢仲o係度! 或者,佢咁講係想令我安心d,但其實佢咁講,反而令到我仲驚!!
第一次見到個bb,個感覺真係好奇妙,雖然佢而家o係我肚裡面只係一粒米咁大,但係佢將會慢慢變大,成為一個bb呢,真係好奇妙的過程呀!! 我會不時同佢講:bb,你要乖呀,要快高長大,唔好令媽媽擔心呀!!
我都開始有做媽媽要經的事情了, 經常好快肚餓,要食野,但係又冇胃口!係呀,係好矛盾架!! 唔知點算!!不過幸好,我都只係間中想作嘔咁,而冇真係嘔得好勁!!
但願佢可以平平安安,順順利利咁o係我肚裡面成長!! 請大家為他/她打打氣,多代禱呀! 願主保守!!
前日早上,自己出左去旺角睇醫生,我好準時去到,但見到個診所坐滿人,都心知不妙,肯定有排等!! 走埋去姑娘度登記,點知佢話無我個appointment!! 下,唔好玩我啦,明明尋日一朝早我老公幫我打去book架喎! 跟住個姑娘諗左陣,話唔緊要啦,你坐低填左d資料先啦!! 哈..明明book左架喎,你仲同我老公講叫我飲多d水嘛!!
結果等左個幾鐘,先等到我睇!! o係呢個幾鐘裡面,除左一邊睇書,一邊等,仲睇到好多野!! 去得睇婦產科,所有patient都係女人,我隔離坐左兩個一齊黎睇醫生的師奶,原來唔使3個女人都可以組成一個墟架!! 佢地兩個係咁雞啄唔斷,好鬼嘈!! 我真係好想同佢地講,你地介唔介意傾計細聲少少,唔好逼我聽你地講野!! 另外,就係有5個大陸人,兩個係大肚婆,另外3個係陪佢地黎的.(真係威呀!!) 話說其中一個大肚婆睇完出左黎,另外o個個就入去睇(有2個人陪佢入去睇)睇完出黎o個個就開始o係度用國語+唔咸唔淡的廣東話同另外o係出面等的伯伯傾計!由於佢好大聲,所以係人都聽到佢講咩,(雖然可能唔會明白). 原來佢諗起有d野想問醫生,但頭先唔記得左! 但佢問的野係完全同佢睇醫生係冇關係的!! 佢走埋去姑娘個窗口,好快咁用非常唔正的廣東話問左個問題,點知個姑娘話,你講咩野話? 我聽唔到,你坐低一陣先問啦! 後來經過佢身邊的人理解翻譯,原來佢想問,佢話有個1歲3個月的bb,好細粒,想問醫生,個bb食咩"蓋"片好?? 我幾想笑,但又要忍住!!
之後佢地一行5個人,睇完醫生準備走啦,點知臨走,其中個伯伯問個姑娘,我地下次黎,會唔會入唔到境架??
不過,呢次終於都親眼見識到....大陸的大肚婆真係影響緊香港的大肚婆呢!! 大家o係度好努力咁爭緊香港的醫生,醫院床位...... 大陸十幾億人,真係冇醫生睇咩?!?!
去年今日,2006年3月25日, 我成為了別人的太太,新抱,阿嫂,......在我的生活中,多了一個家庭! 被人叫我羅太,羅師奶...起初,也會有點不習慣,慢慢聽慣了...你會發覺只是一個稱呼而已!! 但是,我可是一個十分可愛的師奶仔呀!!
不經不覺,已經一年了,我們生活得很開心,很融洽,當然也有不開心的時候,但是,大家已經學懂了如何去面對!
在未來,我們還有很多東西要一起去學習,去努力!! 加油呀,老公!!
我們下一個挑戰,就是要學會去做爸爸媽媽!! 請大家一起守護我們,多為我們與他/她禱告呀!!!
1週年紀念東京之旅網誌....請等待!!
等了一年,終於都可以再同老公一齊坐飛機去玩啦!! 十分期待,雖然當我地結婚一週年的當日,我地已經番到香港,冇計啦,因為我有個好朋友竟然選舉o係o個一日結婚擺酒,所以我地當日的慶祝活動,就係~去飲!!!
明天, 便出發了...計劃多時,終於到左出發的時候啦!!! yeah!!! 雖然因為一d原因,而要放棄我超想玩的過山車,不過唔緊要啦...唯有改變行程啦!!!! 東京,我地黎啦!!!!
今日,忽然覺得我老公十分細心,因為呢幾日天氣都時涼時熱,今朝佢起身番工之前,知道天氣稍涼,特意將我的外套放在牀邊,等我一起身,就可以見到拎黎著,咁就唔會凍親啦!!
真是太過份了....今天令人氣結的遭遇...一個只有佢講冇人講的伙計
顧客A 買左珍寶腸,雞翼同埋唔知咩包,但o個隻唔知咩包賣晒,佢就叫人買另一隻包,話o個隻仲好食呀!!於是,顧客A便買左,準備離開,佢話你唔落汁呀...顧客A話唔使啦,佢就話唔落汁唔好食架!!!
本來我同我個friend係顧客B,點知俾顧客C打左尖,跟住顧客C話要雞翼(標價$9/3隻),佢就同顧客C講話要4隻啦,顧客C問點解呀?跟住佢答12蚊有4隻,
之後到我地啦,我地要左杯大粟米,燒賣同埋山竹牛肉,佢先俾左杯粟米我地,我地叫佢俾多個匙羮我地,因為我地兩個人食,佢話我地不嬲一杯係跟一個匙羮,d匙羮好貴,要多個要俾$$!!!
係呀,你d野真係好好食呀,咪又係買番黎,你整番熱佢!!
本來,我friend有時都會幫襯下佢,但我相信就因為呢個匙羮,佢應該唔會再有機會做我地生意啦!!!!!
自從有了NDSL之後,去到邊都帶住佢...而家每次坐巴士番工/放工,我都好努力咁...打機架...嘻嘻!!
一開始,勁鑽研cooking mama,玩到67個receipt啦,但係玩極都只係停留o個呢個地步,已經忍唔住向其他game 進發了!! 玩左一陣mario bros,好似同以前o個d差唔多咁既,跟住已經冇心機玩落去了!!
現階段,mario kart已經拎左36架車,但仍然為所有rank A而努力, 150 cc 只係差"香蕉杯" ,其他都可以拎到A啦,儘管我同我老公多努力,都仍然係打唔到個A呀!!! 唔得.....我一定會繼續努力架!!!
我的NDSL跟我至愛的菇菇筆!
努力mario karts的同時,又玩左MeLoDy話好玩的feel the magic, 經過我同我老公合力，已經打爆左....與此同時，我老公又會趁我ｏ係屋企,唔玩nds的時候,拎黎打三國志,我成日叫佢不如買多部,佢又話唔使,因為佢話佢唔係成日玩喎!!
最正就係尋日由機場坐車去酒店途中,我地5個人一齊打mario karts....超正呀!! 第一次咁多人一齊玩呀!!
經過兩日努力,終於都book左月尾去東京的酒店啦!!因為太遲book的關係,所有原先想book的都full晒了, 惟有book左一間冇咁近JR的酒店!! 東京之旅,熱切期待中!!!! 行程仍在努力中!!雖然自己旅行去過一次,飛都飛過好多次,但係今次唔同呀...今次唔係番工咁去,係放假嘛....而且係同我老公去嘛!! 當然係特別d啦!! yeah!!
當時心想: OH...NO....唔係嘛...我唔知喎...今日開始訂飛,邊張credit card呀? 立即打番俾佢,但佢做緊野,聽唔到我電話. 在番工途中,就打俾志同道合的早丫拿,睇下佢有冇消息啦?!點知,佢都話唔知,於是,叫佢睇下有冇咩消息!! o係我搭巴士途中,我妹打番俾我,講左d details俾我知,我就立即打俾早丫拿,點知,冇人聽呀?! 轉頭佢打番俾我,原來佢係打緊電話去book 飛呢!!! YEAH......YEAH.......買左啦!! 4月13日,只演一場呢!!! 超期待呢!! 跟住,便懷著愉快的心情番工去lu!!!!
前日,從澳洲回來了,前所未有的一個澳洲trip,是前所未有的短呢....大家也說: 下,你回來了!! 噢..是的,我回來了!
在去程機上,有一個自己坐飛機,講國語的小朋友,我想她大概8,9歲吧! 我地要多加留意她,照顧她,幸好,她身邊坐了一個很好的香港女孩子(大約廿幾歲),全程都很關照她,幫她這,幫她那.但萬萬也想不到,你知道這個小朋友怎樣報答她嗎?!?!
不過,萬萬也沒想到,第二天回程時,嘔吐的故事竟然有下集!! 今次是一位的外籍中年女士! 在派完第一餐,我正在做tea/coffee時, 有位女士走來跟我說,她的妹妺嘔吐! 於是我立即走去看看,oh my god, 她嘔的滿tray都是,天呀,我便立刻趕緊去拿手套,毛巾,濕紙巾,大膠袋及spray,然後返回案發現場,清理清理!! 就是這樣, 多得她,我的午餐也省回了!!!
不過,在回程機上,都遇到兩個可愛的小bb,一個是4個多月大的小bb,他真是很可愛的,從上機一刻見他是睡著的,中途只是醒了一會兒,到降落時也是繼續在睡呢!! 很少見到這樣乖的bb呢,因為通常在飛機上,bb們都會因著各樣原因,不停地哭!! 另外一個是兩歲多的小男孩,我經過他的座位時,媽咪抱著他,他舉起他的小手,我放我的手埋去,他就give me five 了!! 他是個常常懷著笑容+送一個小酒渦的可愛男孩子呢!!
今晚有三餸一湯:
1) 冬瓜湯 (我的至愛)
2) 清炒白菜仔
3) 鹵水雞翼(街市買,方便又好食,嘻嘻!!)
4) 瑤柱蒸水蛋(第一次整呀,好彩多得gigi姐的秘訣~http://hk.myblog.yahoo.com/gigi-wong,所以蒸出來的蛋好滑好好食!不過都要我量度準確先得架嘛,哈哈!!乘機讚下自己先!好味到我老公食左兩碗飯呀!其實佢不嬲都係食兩碗架啦...哈哈....)
結果我地兩個都食到好飽呀!!!
聽日,又要離家出走了...今次要去3日,好耐冇離開咁耐了! 因為上個月成個月都係飛短機! oh...點算呀..會唔會好掛住呢?
