16 Jan 08
今日,下午,阿仔洗完白白,食飽飽,就跟左我阿媽番屋企,俾阿仔試下o係o個邊過夜,而我就可以放假一天,做下自己野,執下屋企!
夜晚仲同老公出左去沙田食飯,好耐冇去拍拖行街街了...雖然我地今日睇的大部份都係bb野,哈..算啦,做左阿媽之後,行街睇野的目標都變晒係bb衫,bb玩具了...
我地去左西田的新food court食晚餐
老公食左個關東煮豆腐..都幾好味
八爪魚丸+奄列炒麵
哈哈...仲有個吉士大判燒
好味..好味...仲有甜品...就係我至愛的雪糕...好耐冇食啦!!
今晚,係第一晚沒有bb o係屋企的日子,有d掛住佢,好驚佢會唔習慣,會勁喊呀...因為佢呢兩晚都係,半夜勁喊,差唔多成4點先訓覺!
希望佢今晚會乖d啦,同埋千祈唔好冷親呢,因為今晚真係好凍呀!!!
bb,媽媽要離開你...一晚咁多啦! I miss you...
沒有留言:
張貼留言