失落+矛盾

有進步啦...經過多番嘗試,試左幾隻奶樽..我阿仔終於都肯食奶樽啦...佢真係好識歎呀...最終揀左最貴o個隻chu chu,先肯用!
不過,其實佢仍然係有d抗拒架,成日都兩頭擰,想搵阿媽,希望佢快d習慣啦!!

bb,
我明白你喜愛媽媽,因為暖粒粒的媽媽,點都好過冷冰冰的奶樽! 當去嘗試停止埋身餵時,媽媽真係好矛盾,同埋有份失落的感覺!
一方面,真係好想你快d肯食樽,咁我自己唔使咁困身..同埋始終都要俾d時間你去適應媽媽不在身邊的日子!!
本來,我地係諗住慢慢逐步俾你脫離"埋身餵"的習慣,但係冇諗過你會咁抗拒奶樽,所以,見到開始肯食奶樽,便決定讓你繼續食樽,試下唔再埋身餵啦!
突然間,有個好失落的感覺呀,媽媽同你之間最親密的時間,要講再見啦!媽媽點都唔會唔記得呢兩個月,只屬於媽媽同你最甜蜜的回憶!!
不過,雖然媽媽唔能夠再享受與你一齊食奶奶的感覺,但係,你永遠都係媽媽心中至愛,至鍚的be be豬...你都要鍚鍚媽媽,唔好咁快唔記得我呀!!

今朝,你起身,肚仔餓,媽媽掙扎左一陣,到底應該埋身餵定用奶樽餵你好,最終我選擇左用奶樽,不過埋身餵,真係快好多,方便好多呢..唔使等steam奶樽,座熱枝奶,媽媽ok就食得啦! 當媽媽拎住個奶樽餵你的時候,真係百感交感,開頭驚你唔肯俾我餵(今日係媽媽第一次用奶樽餵你呀!),不過,可能你太肚餓啦,所以你開頭食得好起勁,但係食左兩安,掃完風之後,你就係咁兩頭擰,唔肯食!當我一路氹你食的時候,真係好想喊呀!! 點算呀..媽媽好唔捨得你呀!