31 Dec 07 濕疹??

31 Dec 2007

今日係2007最後一日,不過都係天朗第一次去睇醫生的日子!

因為佢之前打卡介苗個位好似有d發炎同"陷龍",所以帶佢去睇下醫生,順便睇埋塊面仔,因為呢幾日佢塊面愈來愈紅! 睇完醫生,佢話個卡介苗針位有咁的反應係好正常,要發出黎先好喎...而天朗塊面仔,佢話係濕疹喎....佢開左兩隻藥膏,一隻係有藥性同埋有類固醇的,另一隻係普通潤膚膏...之前上babykingdom,見其他mama都講過,醫生通常都係會開呢d藥膏...但係我就冇同天朗搽有類固醇o個隻..因為好似始終唔好呢..個醫生話如果唔係好嚴重,就搽普通潤膚膏....咁我想知點先算嚴重呢??

眼見天朗塊面仔紅卜卜,愈來愈多紅點...真係心都痛埋...又唔知佢痛唔痛? 痕唔痕?? 唔知係咪自己食左d咩令到佢敏感,又或者係有d咩塵埃..定係咩呢...要搵出致敏原真係唔容易呢! 醫生話,佢食人奶都咁敏感,遲d轉食奶粉可能會仲更架敏感...suggest 我俾低敏奶粉佢食,然後佢送左罐雀巢奶粉俾我! 唉....不過,我同老公都好苦惱,都未決定俾邊隻奶粉佢食好??!! 希望天朗塊面快d好番啦!!

天朗:我d眼睫毛...靚唔靚呢?

天朗:你睇我塊面...紅卜卜呀..