天朗,
仔呀...今日係你兩個月大的日子了 
...話咁快,你就已經兩個月啦..睇見你一日一日長大,媽媽真係覺得好開心呀!! 而且,你的來臨,為我地屋企帶來好多歡笑同溫馨的感覺呀!!
媽媽知道你好愛我,好享受同媽媽食奶奶的感覺,每次見到你好熱切的模樣,聽到你好渴望食奶的聲音,媽媽都覺得好得意,心都好甜,覺得好滿足! 雖然,o係呢兩個月,我的時間,精神,甚至我個樣都俾晒你,因為媽媽只顧照顧你,完全冇時間理自己!雖然餵mama奶的關係,好多時都唔可以周圍去,甚至去遠少少都好難,真係好困身! 不過,可以得到你的喜愛(其實係痴身,哈哈!), 媽媽都覺得好開心!
但係,仔呀..媽媽始終要回到天空去工作,唔可以再日日o係屋企照顧你啦,(雖然,當一個家庭主婦,o係屋企做家務,湊仔係媽媽的宏願,不過,現實生活暫未容許我咁做呀! 
)所以你要乖呀..你係時候,要學習下,適應一下啦..唔好唔肯食奶樽啦,好嘛?
仔呀..你要乖乖呀...如果唔係,爸爸媽媽會好苦惱,唔知點算好呢??
沒有留言:
張貼留言